«كفاية اللي شافته».. حنين حسام لن تعود لـ«التيك توك» بعد إخلاء سبيلها

12:03 ص | الثلاثاء 02 فبراير 2021

بعد أشهر من الحبس، وانتظار أسرتها بفارغ الصبر خروجها، أفرجت أجهزة الأمن عن حنين حسام الشهيرة بـ «فتاة التيك توك»، بعد إنهاء إجراءات إخلاء سبيلها التي تقدر بكفالة قدرها 5 آلاف جنيه، حيث أودعت محكمة الجنح الاقتصادية المستأنفة أسباب حكمها ببراءتها من التهم المنسوبة لها.

وينتظر في خلال ساعات إخلاء سبيل فتاة التيك توك، وعلى جانب آخر يرواد تفكير البعض وتساؤلات بشأن عودة حنين حسام مرة أخرى للسوشيال ميديا وخاصة التيك توك، وهل هناك ما يمنع عودتها لمواقع التواصل الاجتماعي؟ وهو ما رد عليه محاميها حسين بقار.

وقال المحامي حسين بقار في تصريح لـ «الوطن»، «كفاية اللي شافته، معتقدش أن حنين هتطلع تعمل أي حاجة تاني ومش هترجع للعادة دي، وهي مقتنعة أنها متعملش ده تاني».

محامي حنين حسام: هي معملتش حاجة عشان تندم عليها

وأكد بقار أن القانون لا يمنع عودتها على السوشيال ميديا، حيث إن القانون يمنع فقط من يخرج بمظهر مخل عن الآداب: «معتقدش أن حنين هتعمل حاجة تاني أو تتكلم في شيء تاني أو يحصل أي مداخلات هي هتستمر في هدوء تام».

وعن أبرز ما قالته حنين لمحاميها حسين بقار إنها لن تعود مرة أخرى للسوشيال ميديا: «هي أخدت قرار أنها متطلعش على السوشيال ميديا تاني وده أبرز اللي قالتهولي ومش قصة ندم هي معملتش حاجة عشان تندم عليها، هو كل مكان في مصر لي طقوس معينة ومش معنى ذلك أن هي مخالفة للمجتمع المصري القصة مختلفة تماما، حنين مأجرمتش، ربما بعض الوقفات اللي الناس بتقول إنها اشمأزت منها هي أخدت عقوبتها».