عباس أبوالحسن يدعو ضحايا الطبيب المتهم بالتحرش لتقديم شهاداتهم
عباس أبوالحسن يدعو ضحايا الطبيب المتهم بالتحرش لتقديم شهاداتهم
- عباس أبوالحسن
- عباس أبو الحسن
- الطبيب المتهم بالتحرش
- عباس أبوالحسن
- عباس أبو الحسن
- الطبيب المتهم بالتحرش
جدد الفنان عباس أبوالحسن مطالبته لضحايا الطبيب المتهم بالتحرش بتقديم شهاداتهم ضده للنيابة العامة، وذلك عبر صفحته الشخصية بموقع »فيسبوك».
المطالبة بشهادات جديدة
وكتب أبوالحسن: «نحن لا نطمئن ولا نهدأ حتي نكون استنفذنا كل ما بوسعنا ولابد دائما من افتراض وتوقع الأسوأ، بجدد طلبي إلى كل واحد حصل له موقف تحرش مع المجرم المتهم المعترف باسم سمير بالتقدم بشهادته مش مهم امتي، لو من ٢٠ سنة، متعتمدوش بس علي شهاداتنا وأدلتنا المقدمة».
وأضاف أبوالحسن: إظهار حجم وعدد وسنين اعتداءات المتهم داخل وخارج عياداته هو السبيل المؤكد لتغليظ عقوبته من قبل القضاء، الراجل دة تعبان ومجرم معتاد أصيل وعندة ثروة جبارة وربما متورط معاه شخصيات أو كيانات هتدافع عنه بكل الطرق، يقدر يفبرك ورق، يشتري ذمم، يضرب شهادات طبية، يعمل أي حاجة لأنه في دفاع مستميت عن حياته.
سرية الأسماء
وتابع أبوالحسن: البوست التالي هوضح أسهل طريقة لضم شهادة أي منكم لملف القضية الأصلي من غير متخرج من بيتكم ولا محتاج حتي محامي ومش هتاخد مجهود ٥ دقايق، مافيش أسماء خرجت من داخل النيابة وقانون سرية ضحايا التحرش مفعل تماما.
ودلل أبوالحسن علي صدق كلامه قائلاً: الدليل علي كدة إن الشاهد الاساسي اللي قدم الدليل المادي والشهادات الدامغة محدش يعرف اسمه ولا هيعرف اسمه، أنا وتميم اختنرنا نعلم ونفضح علي الملأ لاننا مؤثرين بحكم كوننا شخصيات عامة لتوليد الضغط الكافي والمستمر فده كان لصالح القضية .
وواصل حديثه قائلاً: أنا مقدم فوق الـ ١٠٠ شهادة مًوثقة طلبت إن النيابة متطلبهمش للسؤال واستخدام الشهادات دي فقط لبيان حجم الدمار اللي الحيوان دة عمله علي مدي ٣٥ سنة . لو مش عايز تسأل امام القضاء دة حقك القانوني وتقدر تنص علي ده.
