السيسي: معدلات نمو الدولة تتناقص على مدار 150 سنة بسبب زيادة السكان
السيسي: معدلات نمو الدولة تتناقص على مدار 150 سنة بسبب زيادة السكان
قال الرئيس عبدالفتاح السيسي، إنه وجد أن معدلات نمو الدولة المصرية خلال الـ150 سنة الماضية لا تزيد، بل تتناقص، «ده عشان فيه معدل تاني طالع مش بيقف، ومش متوازن، اللي هو زيادة السكان، كان عندنا 4 ملايين مواطن وعندنا 4 ملايين فدان، كان كل مواطن يخدم عليه فدان».
وأضاف «السيسي»، خلال افتتاحه مشروع الفيروز للاستزراع السمكي في محافظة بورسعيد، «إحنا دلوقتي 100 مليون مواطن، هل عندنا 100 مليون فدان؟، لا طبعًا، ده طبعًا يؤثر على شكل وغنى الناس، ويؤثر على أسعار المواد الغذائية، إحنا دلوقتي عندنا 10 ملايين فدان بالكتير قوي، يعني العُشر».
وتابع: «بدل ما نقول فدان لكل مواطن، هنقول فدان لكل 10 مواطنين، يعني العشر، إحنا بنتعامل معاكم بشفافية، بنعرض عليهم كل شيء بشفافية وافتتاحاتنا تبقى فرصة إننا نقدم الإنجازات اللي بتتعمل من باب إنكم تبقوا معانا فيها، كل الناس مدعوه، والتنفيذيين اللي موجودين داخل المحافظة والمركز مدعوين في تطوير القرى، كل قادة الجيوش والمناطق وقادة الفرق والشعب الهندسية اللي موجودة داخل هذه المراكز مسؤولة معانا».
