السيسي عن تكلفة المشروعات: كانت هتبقى 10 أضعاف «لو بشركات مش مصرية»
السيسي عن تكلفة المشروعات: كانت هتبقى 10 أضعاف «لو بشركات مش مصرية»
قال الرئيس عبدالفتاح السيسي، إنَّ الشركات الأجنبية كانت ستكلف مصر 10 أضعاف تكلفة إنجاز المشروعات القومية في السنوات الأخيرة، لو كانت عملت عليها بدلًا من نظيرتها المصرية، موضحًا: «بدل ما كنا بنقول المشروع ده هيتكلف مليار جنيه، كنا هنقول مليار دولار، وده فضل كبير من ربنا علينا».
السيسي: «مسبناش قطاع إلا لما اشتغلنا فيه.. ومبقاش عندنا مشاكل بل بدأنا تحسين القطاعات»
وأضاف السيسي، خلال افتتاحه مشروع «الفيروز» للاستزراع السمكي بشرق التفريعة ببورسعيد: «مسبناش قطاع إلا لما اشتغلنا فيه، وكان الشغل ملح ومهم، ومكناش نقدر أبدًا في عام 2015 و2016 إن الكهرباء تفضل على نفس واقعها في عام 2014، المصانع كانت بتقفل، والناس كانت بتقول إحنا بنرمي الأكل في الثلاجات، والمستشفيات كانت بتقول إن في خطورة على الأطفال في الحضانات .. دي دولة؟! لأ لأ طبعًا».
وتابع الرئيس: «النهاردة إحنا مش بنتكلم في كده، خالص، عندنا كهرباء زيادة نقدر ندي لدول الجوار في إطار التكامل بيننا وبعضنا البعض، وخلصنا قطاع الطاقة والغاز ومبقاش عندنا مشكلة خالص، وبالتالي بدأنا نحسن في القطاع بعدما تجاوزنا المشكلة».
