أرخص من الكلب.. اشتري «ديب وخد معاه كمامة حديد هدية»
أرخص من الكلب.. اشتري «ديب وخد معاه كمامة حديد هدية»
محمد إبراهيم، شاب صعيدي، عمره 20 سنة، من محترفي صيد الحيوانات البرية، اصطاد 12 ذئبا دفعة واحدة، ولأنه يرغب في بيعهم سريعا، قرر يعمل خصم: «الصغير بـ500 جنيه والكبير بـ1000 ومعاهم كمامة حديد هدية»
أسواق الذئاب «أون لاين»
صيد الذئاب عملية صعبه، لكن بيعها لم يعد أمرا سهلا، لذلك لجأ العديد من محترفي صيد الحيوانات البرية للترويج لبضاعتهم علي صفحات التواصل الاجتماعي، من باب توفير نفقات النقل والمواصلات خلال بيع تلك الحيوانات، وبعد أن كان التجار يذهبون إلي أسواق الحيوانات في مختلف المحافظات، اصبحت الأسواق «أون لاين»
الصفحات المهتمة بالحيوانات وفرت الكثير للبائع والمشتري، تعرض الحيوان المراد بيعه، وبياناته.. بري أو أليف، وتحدد شروط البيع، وغالبا ما تنحصر بين الجدية وتحمل مصاريف الشحن، وتنشر ارقام الهواتف لاستقبال الطلبات، وتنتظر التعليقات.
أقرأ أيضا:مزاد إلكتروني لبيع «أم أربعة وأربعين».. سلوكها هادي وذكية
محمد إبراهيم، أحد أبناء محافظة قنا، عمره 20 سنة، يهوي اصطياد الذئاب، لأنه في الأصل يحب الصعود إلى قمم الجبال الموجود خلف قريته.
يقول «محمد»: «إحنا من قرية كلها جبال، وفي الجبل ديابه كتير، وأنا حبيت الموضوع جدا، كنت بطلع الأول اتفرج عليهم وهما جوه الجحر بتاعهم مع عيالهم، وأنا أوقات بجيب الصغار منهم، علشان يبقي سهل اتعامل معاه واروضه، واخليه زي الكلب، لكن شوية بشوية، قررت إني اصطاد وأبيع بسعر رخيص علشان الناس تشتري»
طريقة اصطياد الذئاب وأسباب شراءها
احتياجات الصياد بسيطة، دجاجة ميتة يقوم بوضعها في آله تسمي «قلابة»، ويضعها بالقرب من المكان اقامة الذئب، بعد رصده وتحديد مخبئه، وقتها يمكن الامساك به.. ووضع كمامة حديد علي فمه حتي لا يؤذي الصياد، ثم تبدأ رحلة البحث عن مشتري، وهي عملية ليست صعبه لأنه مطلوب.
يقول «محمد»: «فيه ناس كتير بتطلبه، فيه ناس بتقول إنه بيستخدم في السحر وطرد الجن، وقرأت مرة إن المكان اللي فيه ريحة الديب مفيش جن بيقرب منه، علشان كده ناس كتير بتشتريه، حي أو ميت»
«محمد» تمكن من اصطياد 12 ذئب مرة واحدة، وقرر يعمل خصم كبير عليهم حتي يستني له البيع، «الصغير بـ500 جنيه والكبير بـ1000، ومعاهم كمامة حديد هدية».
