«لعلها المنجية».. طرق مختلفة لإطعام الكلاب والقطط في الشوارع بالشتاء
«لعلها المنجية».. طرق مختلفة لإطعام الكلاب والقطط في الشوارع بالشتاء
- إطعام الحيوانات الأليفة
- الحيوانات الأليفة
- الكلاب الضالة
- القطط
- الكلاب والقطط
- إطعام الكلاب والقطط
- الوطن
- إطعام الحيوانات الأليفة
- الحيوانات الأليفة
- الكلاب الضالة
- القطط
- الكلاب والقطط
- إطعام الكلاب والقطط
- الوطن
تحت عنوان «ارحم ترحم» و«لعلها المنجية».. يتبادل مستخدمو مواقع التواصل الاجتماعي منشورات للتشجيع على إطعام الحيوانات الأليفة في الشوارع من الكلاب والقطط.
ويطرح كثير من مستخدمي موقع «فيسبوك» الكثير من الأفكار لتسهيل عملية إطعام الكلاب والقطط في الشوارع، أبرزهم الإعلامية منة فاروق التي شاركت متابعيها صورة في أحد الشوارع خارج مصر لكلبة تبحث عن الطعام داخل سلة المهملات وبجوارها جروين.
وكتبت منة على المنشور عبر حسابها الرسمي: «بواقي أكلك بس، حُطها في كيس وأنت نازل شغلك أو مشوارك حط الأكل في أي حتة عارف إن فيها كلاب وقطط، البني آدم الجعان بيعرف يتكلم ويقولك أنا جعان ومحتاج مساعده، لكن المخلوقات دي لأ».
وأنهت الإعلامية حديثها قائلة: «جرّب وهتلاقي بإذن الله ربنا كرمك في مشوارك وفتحلك أبواب رزق ماكنتش تتخيلها، لعلها المُنجيّة».
فيما طرحت فتاة تدعى لوكا نبيل فكرة غير مألوفة من خلال وضع الأكل الجاف الخاص بالحيوانات الأليفة داخل زجاجة والاحتفاظ بها داخل الحقيبة وعندما يجد الشخص أي كلاب أو قطط يمكن إطعامهم بها موضحة: «كيلو الدراي العادي اللي مش ماركة بـ40 جنيها وفي محلات بتبيعه أرخص كمان لو جبت كيلو وركنته في البيت وجبت أصغر إزازة في البيت وماليتها دراي وحطيتها في شنطتك وأنت نازل رايح شغلك أو أي مشوار ولاقت قط أو كلب، هتكسب ثواب كبير أوي ومش لازم تجيب كيلوهات بمقدرتك».
وأصافت لوكا: «إحنا في الشتاء والجوع وحش أوي والحيوانات معندهاش لسان تقولك جعان أو عطشان حس بيها من غير ما تحتاج تقولك لعلى وعسى تكون سبب في رزق ليك زي ما كنت سبب في رزق ليها وقت جوعها، ارحم تُرحم».
فيما قال عمر مجدي لـ«الوطن» إنه دائما ما يجلب معه من المنزل الجبنة المثلثات واللانشون ويعمل على وضعها للحيوانات في الشارع أثناء ذهابة إلى العمل: «مش هيكلف الواحد أي حاجة بس كفاية ثواب أنك تأكل روح جعانة بدور على الأكل وممكن كمان بواقي الأكل بدل ما يترمي ممكن هما يستفادوا بيه».
فيما نصح محمد متولي بأن عند شراء الأكل الجاف يفضل اختيار اللون السادة وليس الملون موضحا السبب: «الملون هيأذي القطط أكتر ما يفيدها، هيجيبلهم حصاوي والتهابات واحتباس وده عن تجربة وكلام دكاترة، وممكن الواحد يخلط تونة مع بطاطس مسلوقة وهتأكل عدد من الكلاب والقطط».
