تامر حسين لرامي صبري: لن أقبل إلا اعتذارا في العلن
تامر حسين لرامي صبري: لن أقبل إلا اعتذارا في العلن
هاجم الشاعر الغنائي تامر حسين، المطرب رامي صبري مرة أخرى بعد خلاف «رامي» مع عزيز الشافعي على أغنية «شكرًا» لعمرو دياب.
وكتب «تامر» عبر حسابه بـ«فيسبوك»: «السيرة الذاتية واسمك وسمعتك (الفنان الحقيقى) بنبنيها فى سنين عشان يكون المصداقية تلاقى ناس لوجه الله بتدافع عنه وعن أخلاقه وعن مبادئه مش محتاج ألتراس ودفع فلوس».
مضيفًا: «وأكونتات وهمية تنشر الباطل والله دول 10 أكونتات أو 14 أكونت قصاد آلاف المحترمين الطبيعيين ومن غير أى وسيط»، وأضاف: «لن أقبل غير الاعتذار فى العلن عن كدبة غير أخلاقية، زى ما الغلط حصل فى العلن، ومش عيب نعتذر فى الغلط مفيش كبير ع الغلط».
وكان المطرب رامي صبري قد أعلن وقف التعامل مع الشاعر والملحن عزيز الشافعي بسبب أخذ أغنية أثناء عمل «صبري» عليها وإعطائها لعمرو دياب.
وكتب «رامي» عبر «فيسبوك»: «ولتاني مرة الملحن عزيز الشافعي ياخد أغنية مني وإحنا شغالين فيها ويديها لفنان تاني وهو الفنان عمرو دياب بنفس الشكل التوزيع»، وأضاف «رامي»: «أغنية شكرًا كده للي سابنا أغنية زي مانتي، لذلك قررت عدم التعامل معه مرة أخرى».
ونشر تامر حسين عبر حسابه عبر الفيسبوك بيانًا دافع من خلاله عن اتهام رامي صبري لعزيز الشافعي بأخذ أغنيته وإعطائها لعمرو دياب، وجاء نص البيان كالتالي:
«أولاً ليه بنجيب وبنقحم دايماً اسم (عمرو دياب) فى جُملة مفيدة؟ إيه الغرض، ثانياً.. توقيت البوست لما الأغنية انتشرت وكسرت الدنيا، بالتفاعل وإقبال الناس عليها والإشادة بيها يعنى ليه الكلام ده، ماكانش فى أول يوم مثلاً؟ ده لو فعلاً الكلام على حق، ثالثاً.. اللى اتعلمته ومن أدبيات المهنة، ولازم الناس كلها تفهمه فكرة الذوقيات».
وأضاف: «يعنى إيه؟ يعنى نبارك لبعض نهنى بعض مش نتهم الناس فى عز نجاحهم بالباطل لما أى مُطرب فى الدنيا بتعجبه أغنية المؤلف والملحن بيعملوا (تنازل عن حقوق الاستغلال) للمطرب، وطالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل وارد جداً تسمع مطرب زميل أغنية من سنة سنتين ولضعف الرؤية الفنية ما يتخيلش نجاحها ده اللى بيفرق مطرب عن مُطرب فى سُرعة اتخاذ القرار أنا شايف إن فيه تجنى على حق المُلحن عزيز الشافعى أدبياً ومعنوياً دى شهادة حق ومش شايف تماماً أى داعى يسمح بالكلام والصراعات دى، وللمرة المليون الناس المُحترمة ما تعلنش مشاكلها فى العلن».
متابعًا: «عيب فيه خصوصيات مايصحش ندخّل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها، وإحنا (أصحاب الحق) وربنا يهدى».
