التعليم العالي: زيادة أعداد الجامعات والكليات غير مسبوق

12:04 م | الأحد 20 ديسمبر 2020

قال الدكتور حسام عبدالغفار، المتحدث باسم وزارة التعليم العالي، إن الاختبارات الجامعية ستعتمد على قرار كل رئيس جامعة واللجنة العلمية أو الصحة الموجودة في كل جامعة ونواب رؤساء الجامعات.

وأضاف عبدالغفار، خلال حواره في برنامج «صباح الورد»، المذاع على فضائية Ten، إن حجم الإنجاز في زيادة أعداد الجامعات والكليات غير مسبوق «مفيش دولة في العالم سمعنا أنها بتفتح 4 جامعات في نفس الوقت، والحقيقة أننا فيما قبل كان بيتفتح عندنا جامعة كل 10 سنين تقريبا، وده المشكلة أننا النهاردة مضطرين ندفع فاتورتين الماضي والمستقبل، وده اللي مخلي الناس أبطال لأنهم مدركين ذلك والنهاردة مش بس بندفع لأولادنا لا إحنا كمان بندفع اللي مكناش دفعناه قبل كده».

عملنا 4 جامعات أهلية دولية جديدة مرة واحدة

وتابع: «النهاردة عملنا 4 جامعات أهلية دولية جديدة مرة واحدة، بالإضافة لـ4 جامعات حكومية، دلوقتي بقي عندنا جامعات حكومية وأهلية جديدة وفروع لجامعات أجنبية وخاصة وتكنولوجية، احنا مش بس بنطور الموجود ولكن بنخلق مسارات جديدة لم تكن موجودة قبل ذلك».

وأكمل: «من إمتى مصر كان فيها أفرع لجامعات دولية أجنبية أو تكنولوجية، وفتحت في أقل من سنتين 4 جامعات حكومية دي أول مرة وده شيء غير مسبوق وجيد للغاية ويحسب للدولة المصرية».

وأكد أن مصر لديها تطور كبير في المحتوي العلمي والمناهج، وقفزنا في معيار جودة التعليم من الرقم 51 إلى 42، بما يعني أننا في سنة تحركنا للأمام 9 مراكز، وفي العادة الدول تتحرك مركز أو اتنين.