أحمد آدم عن أزمة اسم فيلم «صابر وراضي»: محدش هيديني محاضرة في الإبداع
أحمد آدم عن أزمة اسم فيلم «صابر وراضي»: محدش هيديني محاضرة في الإبداع
علق الفنان أحمد آدم على حالة الجدل بشأن اسم فيلمه الجديد «صابر وراضي» والذي جاء مشابها لأغنية تحمل نفس الاسم للمطرب جورج وسوف والشاعر فوزي إبراهيم، قائلا: «هو الموضوع ده جد ولا هزار؟ أجيبلكم 30 فيلم ومسلسل بأسماء أغاني (الحب كده) و(ليه خلتني أحبك) و(أهواك) و(الدنيا ريشة في هوا) و(في يوم وليلة) وغيرها..يعني اللي عمل فيلم (الحب كده) لازم يروح لأحمد رامي، يا جماعة مش معقول بجد والله مش مصدق».
«صابر وراضي» لفظ شعبي مش صاحب لحد
وأضاف آدم، خلال اتصال هاتفي ببرنامج «التاسعة»، المذاع على شاشة التلفزيون المصري، ويقدمه الإعلامي وائل الإبراشي، «كلمة (صابر وراضي) بلقيها مكتوبة على الميكروباصات، أنا طالع بدور صابر ومحسن محيي الدين طالع بدور راضي، يعني اسم الفيلم (شفيقة ومتولي) مثلا!، وكلمة صابر وراضي دارجة على لسان المصريين ولفظ شعبي ومش صاحب حد، لحد إمتى هنفضل نتكلم في حاجات عجيبة».
وواصل الفنان أحمد آدم: «المسألة مفيهاش إبداع والشاعر فوزي إبراهيم بيتكلم عن الأستاذ أحمد السبكي عشان الحقوق والواجبات، ودي حاجات مادية مينفعش أتدخل فيها لأني راجل فنان، ومليش علاقة، ومش هنقعد نقف لبعض، أنا بستغرب إن الفنانين بيعملوا كدة مع بعض».
واستكمل: «حكيم كان عاوز يغني جملة (معلش احنا بنتكلم)، ودي جملتي ومشهورة ومجرأتش في يوم أن أقول لواحد أنت أخدت الجملة، بالعكس كنت بفرح، أنت عاوز فلوس من أستاذ السبكي خد منه محدش يديني محاضرة في الإبداع».
«صابر وراضي» مقتبس من فيلم فرنسي
وعن سرقة بوستر الفيلم من آخر فرنسي قال الفنان أحمد آدم، ساخرا: «إحنا سارقين كل حاجة حضرتك، أنا أول مرة أسمع حكاية سارقين دي، فيه حاجة اسمها اقتباس أو مستوحاة، وبعدين قصة الفيلم ده حقيقية، وأنا واخده من نفس القصة، والفيلم ده اتعمل في أمريكا، وسجلناه في الرقابة قبل ما يتعمل الأمريكاني، واحنا بنعملها النسخة المصري، كله بيقتبس من بعضه».
