كشف وتركيب ببلاش.. طبيب أسنان: "لازم أقف جنب أهالي قريتي"
كشف وتركيب ببلاش.. طبيب أسنان: "لازم أقف جنب أهالي قريتي"
في عيادة بسيطة في قرية "الأطرش" بمحافظة دمياط، حيث طبيب أسنان حديث التخرج لم يتم سوى عامين من تخرجه، ولكن إحساسا بالفقراء غير القادرين على تكلفة كشف الأسنان، وفي ظل المغالاة الشديدة في أسعار تركيبها، قرر "أحمد طارق"، 26 عاما، منح غير القادرين من أهالي قريته، كشف وتركيب مجاني، مؤكدا أنه في خدمتهم.
يحكي "طارق" أنه افتتح عيادته منذ عام ونصف فقط في قريته التي يعيش بها طوال حياته، ووضع سعر 50 جنيها للكشف رغم الاقبال الضعيف عليه، مراعاة لظروف جيرانه في القرية، ورغم تكلفة الأسنان المرتفعة، إلا أنه قرر تركيبها مجانا لمن لا يتسطيعوا الأكل بدونها: "بعض الناس عندنا ظروفها مش حلوة، والدكاترة مبيفرقش معهم غير نفسهم، ومش هيبقى واحد جاي يقولي ركبلي أسنان عشان مش قادر أكل من غيرها وأقوله لا، فأنا بشيل الحرج عنهم، ولازم كل العيادات تعمل كدة، وربنا هيعوضنا كلنا مادام بنعمل خير".
اختص الطبيب أهالي قريته فقط لعلاج أكبر عدد منهم، وأيضا بسبب انعزال قريته عن المدينة والقرى الباقية، مضيفا أن تركيب "الضرس" تبدأ تكلفته من 250 إلى أعلى، ولكن يعوض قيمته من الحالات الأخرى: "الشخص المحتاج بيبان عليه من مظهره ومش حالات كتير بتجيلي مش معاها فلوس، وبعاملهم زيهم زي اللي هيدفعوا ومش مستني حاجة غير الثواب من ربنا"، بحسب "طارق"، ويؤكد على ضرورة الاحساس بالغير، وينصح الأطباء بالكف عن الجشع في أسعار الكشوفات.
وبحسب "طارق" فهو يخرج من بيته كل يوم في الثالثة عصرا متجها إلى عيادته حتى التاسعة مساءً، مضيفاً أنه ينتظر بعدها حتى انتهاء جميع الكشوفات: "بخلص كل يوم الساعة 9، لكن لو في ناس بعدها مبمشيش من غير لما أكشف عليهم".
