السيسي: اللي بيسعوا للتدمير بيحولوا ملايين السكان للاجئين

11:21 ص | الأحد 27 سبتمبر 2020

قال الرئيس عبدالفتاح السيسي، إنّ البعض يحاول إظهار وجه التنمية والتغيير من أجل تدمير الناس والدول، بالعديد من الدعاوى الزائفة والكاذبة وتزييف الوعي.

وأضاف السيسي، خلال افتتاحه مجمع التكسير الهيدروجيني بمسطرد شرق القاهرة: "بيقولوا التغيير، لكن ده وجه بيقدموه للناس، الوجه الحقيقي اللي عاوزين يوصلوا ليه، هو تدمير الناس وتدمير الدول بدعاوى كاذبة وزائفة وتزييف الوعي، وهفضل اتكلم على ده طول منا موجود في مكاني، شوفوا الخراب اللي بيعملوه في العالم وفي الدول، بيحولوا ملايين السكان للاجئين، وبيخربوا الدنيا ويقولوا إحنا هنجيب الدولة اللي هما بيقولوا عليها، ميصحش أقولها دلوقتي".

وتابع: "والله والله والله لن تقوم دول حتى على منهج ديني حقيقي أساسها مبني على خراب وتدمير كده، ده أمر ميرضيش ربنا".

وأردف: "الطفل اللي كان عنده 10 سنين عايش في معسكرات لاجئين نتيجة الحالة دي، ودلوقتي بقى 20 سنة هيشتغل ايه؟، هيروح يشتغل في ليبيا، ولو مخدتوش بالكم هييجوا مصر يدمروا مصر".