التعليم: امتحانات الثانوية السنة الجاية هتتحط قبل ثواني من بدايتها
التعليم: امتحانات الثانوية السنة الجاية هتتحط قبل ثواني من بدايتها
قال الدكتور طارق شوقي وزير التربية والتعليم والتعليم الفني، إنّ العام الدراسي المقبل يشهد تغييرا ليس مفاجئًا في امتحانات الثانوية العامة، إذ جرى البدء في هذا النظام قبل عامين.
وأضاف شوقي، خلال افتتاح الرئيس عبدالفتاح السيسي، مشروعات لوزارتي التعليم العالي والتربية والتعليم بالإسكندرية: "الدفعة اللي دخلت أولى ثانوي في 2018 هي الدفعة اللي وصلت آخر الخط وهتمتحن السنة دي الثانوية العامة بعد امتحان سنتين إلكترونيًا، واتمرنوا على النوع الجديد من الأسئلة، وده مش جديد عليهم".
وتابع: "الجديد إن الامتحانات في العالم كله مش بتبقى امتحان واحد بيدخل فيه ميون طالب، لكن بيبقى امتحان على مستوى معين من الصعوبة، زي بنوك الأسئلة، هنعمل 4 نماذج امتحان من نفس المستوى في الصعوبة من غير أي عنصر بشري في تصميم الامتحان".
وأردف، أنّه سيجرى تغيير الأسئلة بالامتحان الواحد حتى لا يكون بحوزة أي طالبين يجلسان إلى جوار بعضهما ذات الورقة، لكن المشاركة ستكون في نفس مستوى الصعوبة: "الامتحان هيتعمل قبل ما يطلع بثواني، وبالتالي مفيش تسريب ولا طباعة ولا كنترول ولا الحاجات دي خالص".
وأشار إلى أنّ الفلسفة الجديدة لامتحانات الثانوية العامة، تهدف لتحرير الطلاب من فكرة كونها "حياة أو موت"، مواصلًا: "حرام دي تبقى الحياة وحرام دي تبقى فكرة الناس عن التعليم، عاوزين نرجع لهم متعة التعليم ونشيل رهبة الامتحان".
