سيارات "البوكس" وسيلة مواصلات أهالى "البرلس": "عاوزين ميكروباص"
سيارات "البوكس" وسيلة مواصلات أهالى "البرلس": "عاوزين ميكروباص"
نظرا لخطورتها على كبار السن والمرضى، طالب العديد من أهالى مدينة برج البرلس فى محافظة كفرالشيخ، بتغيير سيارات "البوكس" وسيلة المواصلات الأساسية داخل المدينة، إلى سيارات ميكروباص، مؤكدين أنها غير ملائمة للمرضى ويصعب على كبار السن ركوبها، ومن الممكن أن ينتج عنها حوادث.
يرى وائل البدوى، 30 عاماً، أحد سكان برج البرلس، أنه من الضرورى إلغاء هذا النوع من المواصلات، مشيراً إلى أنها غير مريحة للركاب كما أنها معرضة بسهولة للحوادث، ويوجد بها سلم يصعد عليه الركاب أثناء استقلالهم تلك السيارات، مؤكداً أن السائقين يستغلون السلم بعد إمتلاء كراسي السيارة: "اضطريت إني أركب على السلم قبل كده، لأني كنت متأخر ومستعجل وبسبب إن السواق فات على المطب بسرعة، وقعت على وشى ورحت المستشفي والموضوع عدى على خير بس قررت بعدها مركبش العربيات دي نهائي، حتى شغلى بروحه بتوك توك، وحتى الركاب الي جوه بيتخبطوا في السقف الحديد ودا خطر عليهم".
يؤكد "البدوى" أن أغلب سائقي سيارات "البوكس" ليس لديهم رخصة قيادة: "مابيخرجوش برا البلد ولما بيبقي في كمين بيمشوا من وسط البيوت عشان مايعدوش من عليه".
"لو واحدة حامل ممكن بسهولة جداً اللي في بطنها ينزل وحصل الموقف دا قدامي بسبب إن العربية مش آمان وبتتهز كتير ومش ثابتة، وفي المطبات بتبقي صعبة جداً وكبار السن مابيقدروش يطلعوا السلم فبيضطروا يركبوا توك توك"، قالها ياسر كمون، 23 عاماً، مضيفاً أنها وسيلة غير آدمية ولا يتحملها المرضى، وأغلب الحوادث الواقعة في المدينة كانت بسبب هذا النوع من السيارات، مضيفاً أن قائديها أغلبهم من صغار السن الذين لم يتخطوا 18 عاماً.
فيما يرى إيهاب عمارة، 35 عاما، أن سيارات "البوكس" تسئ إلى المنظر الجمالي للمدينة حيث أنها من أهم المدن السياحية التي تطل على البحر الأبيض المتوسط، وفي فصل الشتاء، أثناء هطول الأمطار يتسرب الماء من سقفها فيبلل راكبيها جميعا بعكس سيارات الميكروباص: "إحنا شبه جزيرة ومدينة ساحلية معروفة وماينفعش العربيات دي تبقى موجودة عندنا والسواقين أصلا مش مهتمين بيها لأنهم مايهمهمش الركاب".
