ريهام سعيد: من النهارده مليش دعوة بحد ومش هاصلح الكون.. هاحب نفسي
ريهام سعيد: من النهارده مليش دعوة بحد ومش هاصلح الكون.. هاحب نفسي
قالت الإعلامية ريهام سعيد إنها تستعد لبداية جديدة بعد انتهاء مدة وقفها عن الظهور كإعلامية والمحددة بعام.
وأضافت عبر حسابها على إنستجرام: "اكتشفت إن ممكن الواحد يغير من نفسه للأحسن يا رب، بداية جديدة بدون مشاكل، الفنانة العبقرية إسعاد يونس صاحبة السعادة قالت إن من السعادة إنك تبعد عن المشاكل، أنا من النهارده مليش دعوة بحد ولا بحاجة مش هاصلح الكون أنا هاحب ريهام عشان بصراحة محدش نفعني، هابقى جدعة زي ما أنا بس مع ريهام الأول".
واحتفلت الإعلامية ريهام سعيد بانتهاء مدة وقفها عن الظهور كإعلامية والمحددة بعام، بناءً على قرار نقابة الإعلاميين الذي صدر في أغسطس 2019، قائلة: "محدش يقولي يا إعلامية موقوفة تاني".
وكتبت ريهام سعيد، عبر حسابها الشخصي على موقع تبادل الصور والفيديوهات "انستجرام": "ماسمعش ولا أشوف حد بيكتب الإعلامية الموقوفة.. مابقتش موقوفة والسنة دي كلنا قعدناها في البيت مش أنا لوحدي وعدت السنة بسلام يالا افرحوا معايا بالبداية الجديدة واللي جاي كله خير ونجاح أنا متأكدة لأن ربنا كبير وعظيم.. يا بلدنا يا حلوة بالناس الحلوة.. بحبكوا أوي".
وقررت نقابة الإعلاميين منذ عام وقف الإعلامية ريهام سعيد، ومنعها من مزاولة أي نشاط إعلامي، بعد أن وصفت أصحاب الوزن الزائد في برنامجها "صبايا الخير" بأنهم "عبء على الدولة وعلى عائلاتهم".
