أسامة منير: والدتي ملاك وقصة "حنين" أثرت فيا بشكل كبير
أسامة منير: والدتي ملاك وقصة "حنين" أثرت فيا بشكل كبير
تأثر الإذاعي أسامة منير، خلال حديثه عن والدته، قائلا: "كانت ست ملاك، والدعوة اللي بتدعيهالي، بتخبط في ثانية مش بتهزر، واعتقد كل الخير اللي أنا فيه دة، بسبب دعاء أمي".
وروى "منير"، خلال لقاء ببرنامج "مساء dmc"، المذاع على شاشة قناة "dmc"، تقدمه الإعلامية إيمان الحصري، أكثر القصص التي علقت في ذهنه: "كان فيه زمان أوي، قصة بنت بتحب واحد، وواحد وقع بينهم، ولما كانت بتحبه واتخطبوا لبعض، واتبرعت له كليتها، وحد بعد كدة وقع بينهم والبنت جالها كانسر، وحالتها سيئة جدا، وكلمتني وقالتلي عاوزة بس أشرحله مش حتى أرجعله، قولتلها أخرجي للدنيا، وهنحاول في الحلقة الجاية نكلمه".
وتابع: "مردش طبعا، فكلمت البنت أطمن عليها مردتش وبعد ما روحت جالي تليفون من أختها قالت لي النهاردة، كانت خطوبته، وحنين لما عرفت وتوفت من الحزن، طلعت نعيتها في الحلقة اللي بعدها، والبرنامج كان مولع، والناس اتصدمت من الخبر لدرجة أن مستقبلناش تليفونات بعد نعيها، لقبنا بعدها تليفون من السعودية قرر شخص يعمل عمرة لحنين، ودي من المواقف اللي كانت قوية".
