السيسي: نظام ATS لازم تعمله يا وزير النقل.. علشان الناس متتحركش بسرعات عالية

01:33 م | الاثنين 29 يونيو 2020

وجه الرئيس عبدالفتاح السيسي رسالة للمصريين قال فيها: "لو تعرفوا علشان نقدر نحل المسائل الموجودة في مصر دي إحنا عاوزين أرقام هائلة جدا تريليونات كتير أوي علشان نقدر نحل.. بس إحنا متحركين وناجحين وهنكمل".

السيسي: عاوزين تريليونات كتير أوي عشان نقدر نحل كل حاجة.. بس إحنا متحركين وناجحين وهنكمل

وأضاف الرئيس: "بفكر نفسي ورئيس الوزراء بمنظومة ATS.. لازم نعملها علشان الناس متتحركش بسرعات عالية.. النظام ده لازم تعمله يا وزير النقل".

وزير النقل يؤكد تشكيل لجنة مشتركة ضمن تحالف عالمي يضم شركة مصرية لتطبيق نظام ATS

وردّ الفريق كامل الوزير، وزير النقل قائلًا: "في لجنة مشتركة بينا وبين كل الأجهزة المعنية وفاز تحالف دولي بالمشروع وأحد شركاته شركة مصرية والتحالف سيمول المشروع بالكامل ويستعيد التكلفة المالية من حصيلة بعض الخدمات وهو تنسيق تم على أعلى مستوى مع القوات المسلحة".

وقال الرئيس: "ده هيديني سيطرة على الطرق الـ20 طريق، ولو إحنا عملنا هندخل كدولة في منظومة السيطرة على الطرق بإستخدام الوسائل الحديثة، وهنقدر نتعامل من خلال التكنولوجيا الجديدة ونسيطر على الطرق ونسهل على الناس ونخاف عليها".

السيسي ضاحكًا: عاوز المخالف طول ما هو ماشي ننبهه.. "خلي بالك إحنا خدنا منك المخالفة الثالثة"

ومازح السيسي الحضور ضاحكا: "النظام ده هينبه المخالف طول ما هو ماشي بيخالف، النظام هينبه المواطن فوري بكل مخالفة يتم تسجيلها، كل مرة يخالف تجيله رسالة على التليفون، دي المخالفة الأولى، دي الثانية، خلي بالك إحنا خدنا منك المخالفة الثالتة وهكذا".

رئيس الهيئة الهندسية: هنستفيد من المخالف.. والسيسي ضاحكا: لا هنحاسبه فوري مش آخر السنة

وحول ذلك، أوضح اللواء إيهاب الفار رئيس الهيئة الهندسية: "طول ما السائق بيخالف إحنا نستفيد"، ليقاطعه رئيس الجمهورية ضاحكًا بقوله: "لا لا.. طول ما هو بيخالف مش هنحاسبه آخر السنة، مفيش الكلام ده".

وشهد الرئيس عبدالفتاح السيسي، صباح اليوم، من مسرح مجمع الجلاء للقوات المسلحة، افتتاح مجموعة من مشروعات تطوير منطقة شرق القاهرة، وقصر البارون بعد ترميمه، إضافة إلى افتتاح مطاري سفنكس والعاصمة الدولي، حسبما أعلن السفير بسام راضي المتحدث باسم رئاسة الجمهورية.