وبدأت الحدوتة | سؤال وجواب
وبدأت الحدوتة | سؤال وجواب
سألت نفسى مرة / ليه عايز بلدى حرة / مانا زى ما عشت إمبارح.. هاقدر أعيش بكرة / رديت بسرعة على نفسى من غير حتى ما أفكر / وكل ما أحاول أسكت كان صوتى بيعلا أكتر / إزاى مش عايز بلدى حرة؟! / لو حد سألنى عن أصلى.. هاقدر أقول أنا مصرى / ازاى هادارى ملامحى وشكلى ولونى القمحى / وبوست تراب بلدى قلت لها أرجوك تسامحى / اسمك مذكور فى القرآن وده دليل وبرهان / هاعيشلك النهارده وبكرة.. هانسى وانسيكى إمبارح / هازرع لك ميت ألف بذرة.. عشان أشوف شجرك طارح / أنا مش الأول ولا الأخير.. وأكيد يا بلدى فيه زيى كتير / لسة للأمل فينا مكان.. والمستقبل ليه ملامح
