صبري فواز يكشف تفاصيل خناقته مع أحد المنتجين: قال لي "إنت محدش يعرفك"

أجاب الفنان صبري فواز، على سؤال "شيخ الحارة"، مع الإعلامية إيناس الدغيدي، في برنامج "شيخ الحارة والجريئة"، المذاع على فضائية القاهرة والناس، عن عدم معرفة الناس له، قائلاً: "علشان أنا كل مرة ببقى شكل مختلف في أدواري، وفي ناس كتير جدا زملاء يفضل بشكله لحد ما الناس تحفظه وبعدين لو حب يلون عادي".

وحول عدم معرفة منتج له من الوسط لشخصيته "اللي مش عارفني ده عيبه بقى، وبالفعل حدث أن منتج ما اتخانق معايا وقالي أنت مين أنت، واحد ابن حلال كان شغال شغلانة متواضعة كده وربنا كرمه وبقى بينتج وبيعمل مسلسل مرة وحصل خلاف صغير بينا وكنا في مدينة الإنتاج، وهو شايف ممثل صغير في السن ومش معروف أوي فقام مزعق أنت مين وأنت محدش يعرفك".

وتابع، "رديت عليه قولتله اللي ميعرفش الدهب الفلصو من الحر ميشتغلش جواهرجي ويروح يقعد بموبايلات في شارع عبدالعزيز وفكرته بأصله ورفض ذكر اسمه قائلاً يعني عورته ساعتها مش هعوره تاني في البرنامج هنا كفاية بقى وحالياً مبقاش بينتج لكن كان في مسلسل المصراوية، وأستاذ إسماعيل عبدالحافظ وعبدالرحمن أبو زهرة هما اللي خدوه من بوقي".

• صبري فواز
• إيناس الدغيدي
• برنامج شيخ الحارة والجريئة
• صبري فواز
• إيناس الدغيدي
• برنامج شيخ الحارة والجريئة