مسلم: "فايلر" قريب من جوزيه.. وكارتيرون لم يترك بصمة مع الزمالك بعد
مسلم: "فايلر" قريب من جوزيه.. وكارتيرون لم يترك بصمة مع الزمالك بعد
- محمود مسلم
- الوطن
- جوزيه
- الأهلي
- نجلاء عبد البر
- نجوم في رمضان
- إذاعة الشباب والرياضة
- محمود مسلم
- الوطن
- جوزيه
- الأهلي
- نجلاء عبد البر
- نجوم في رمضان
- إذاعة الشباب والرياضة
قال الكاتب الصحفي محمود مسلم رئيس تحرير جريدة "الوطن"ـ إن باتريس كارتيرون مدرب نادي الزمالك لم يترك بصمة بعد في النادي الأبيض "لسة بصمته مابانتش، والبطولتين اللي قدر ياخدهم مع الزمالك كل بطولة كانت بماتش، ولكن مافعله إنجاز، ولم ينجح في النادي الأهلي لأن الأهلي مكانش معاه لاعيبة، وكمان أنا مش مقتنع بأنه يجي مدرب أجنبي لوحده لازم يجي بالطاقم بتاعه، حتى مدرب حراس المرمى بييجي بالطاقم بتاعه لكن كاتريون بييجي لوحده ولما جه الأهلي كان لوحده بردو".
وأضاف مسلم، خلال حواره مع الإعلامية نجلاء عبد البر ببرنامج "نجوم في رمضان"، المذاع على إذاعة الشباب والرياضة، أن مارتن لاسارتي "كان مقلب في الأهلي" ومن العجيب أن سيد عبدالحفيظ كان مؤيدا للتجديد لـ"لاسارتي"، "ولما سأله مراسل قناة بعد ماتش قال هنجددله، وكان شايف لاسارتي يكمل".
وشدد مسلم على أن الأهلي لم يأت بمدرب جيد منذ رحيل مانويل جوزيه، ورينيه فايلر قريب من جوزيه ولكنه ليس مثله، "جوزيه كان قوي وكان بيبدل اللاعيب وبيسحبوا من الملعب تاني، وكنت بزعل من اللي بيهاجموا جوزيه وبيقولوا مبيديش فرصة للناشئين.. أدينا بقالنا فترة من غير جوزيه".
