السبكي: لا توجد أي ألفاظ خارجة بأفلامي.. والرقص "مش بيجيب إيراد"
السبكي: لا توجد أي ألفاظ خارجة بأفلامي.. والرقص "مش بيجيب إيراد"
قال المنتج أحمد السبكي، إن الأفلام التي تعتمد على أداء الراقصات لا تنجح ولا تؤتي إيرادًا، "الكلام ده كان في الأول، أنا كنت بعمل الأفلام دي لجمهور وسط البلد بس مش أفلام أدخل بيها مهرجانات، بخلي فيها البطولة لمحمود الليثي وحسن خلعي أو سعد الصغير، وأنا كمان بحب الأجواء دي، الناس بتوع وسط البلد بيحبوا الحاجات دي وخاصة سينما مترو".
وأضاف "السبكي"، خلال حواره في برنامج "شيخ الحارة والجريئة"، مع المخرجة إيناس الدغيدي، الذي يُعرض على شاشة "القاهرة والناس"، أنه أنتج فيلم كبارية، وأشرك فيه الفنانة الشعبية أمينة وإحدى الراقصات وجاء بمحمود الليثي في الأغنية، ورغم ذلك حقق نجاحًا كبيرًا وكان له قصة وهدف.
وتابع: "فيه منتجين بيحاولوا يعملوا ده مش بيعرفوا، متعرفيش بقى فيه حاجة رباني بتنجحني أنا بس في الموضوع ده، بس الأفلام دي مينفعش تنزل غير في العيد وأول أسبوع بس، لو نزل في غير العيد يقع، وبيغطي تكلفته لأنه أصلا بيكون متصور كله على بعضه في 10 أو 12 يوم، أنا بعمله إنه فيلم يقعد في السينما أسبوع مش يتقدم في المهرجانات، ومعنديش ألفاظ خارجة في أفلامي".
