دراما الواقع.. "فرصة تانية": البنات بتسامح في أي غلطة حتى لو اتكررت إلا الخيانة.. "المرة بفورة"
دراما الواقع.. "فرصة تانية": البنات بتسامح في أي غلطة حتى لو اتكررت إلا الخيانة.. "المرة بفورة"
- مسلسل فرصة تانية
- رمضان 2020
- ياسمين صبري
- الفن
- اخبار الفن
- مسلسل فرصة تانية
- رمضان 2020
- ياسمين صبري
- الفن
- اخبار الفن
فتاة جميلة، جذابة، صاحبة شخصية قوية، تدخل فى قصة حب تُكلل بالخطوبة، وقبل الزواج تكتشف أن خطيبها يخونها بإقامة علاقات أخرى مع بنات، فتدوس على قلبها وتقرر الانفصال عنه، ورغم محاولاته المستميتة لإرجائها عن قرارها معترفاً بغلطته، طالباً منها فرصة ثانية، فإنها ترفض وتنتصر لكرامتها، هذا الموقف الذى اتخذته «ملك»، الشخصية التى تجسدها الفنانة ياسمين صبرى فى مسلسل «فرصة تانية»، اتخذته فتيات أخريات مع شريك العمر الذى وقع فى فخ الخيانة، فقررن الانفصال عنه نهائياً رافعات شعار «فى الخيانة.. الغلطة بفورة».
«اللى يغلط مرة فى كرامتى هيغلط على طول وهيتعود على إهانتى»، حسب شروق السيد، التى مرّت بتجربة تشبه كثيراً تجربة «ملك» فى المسلسل، حيث اكتشفت أن خطيبها يخونها مع أقرب صديقاتها، فقررت الانفصال عنه، ورفضت منحه فرصة ثانية.
«كل حكاية ولها نهاية، بس النهاية جات بدرى قوى»، جملة جاءت على لسان بطلة المسلسل، بعد أن أنهت علاقتها بخطيبها، وهى تقريباً نفس الجملة التى أنهت بها «شروق» علاقتها مع خطيبها: «ما عملتش حاجة ولا اتخانقت معاه ولا عاتبت صاحبتى، بس قلت لهم إنهم يستاهلوا بعض، وقطعت علاقتى بالاتنين وغيرت رقم موبايلى»، ورغم إلحاحه الشديد عليها لمسامحته وعودة المياه إلى مجاريها، فإنها رفضت بشدة: «اتحايل عليّا كتير ووصل لرقمى الجديد وعمل حاجات حلوة جداً تخلى أى بنت مكانى تسامحه وتنسى، لكن أنا ما قدرتش وكل ما أفتكر بأحس بإهانة، ومتأكدة إنى لو كنت سامحت فى الغلطة دى كانت هتتكرر تانى»، لافتة إلى أنها تشعر بحزن عندما تسمع حكايات خيانة الرجال وتسامح البنات معها.
التجربة القاسية نفسها عاشتها هبة فتحى، حيث أنهت علاقتها بخطيبها بعد مرور 6 شهور على الخطوبة بعد أن اكتشفت أنه خائن وكاذب: «طلب منى أن أنهى علاقتى بأى شاب حتى لو كان زميلاً، وأمسح كل الفريندز من على الفيس بوك، وعشان يقنعنى قال لى إنه عمل كده هو كمان، بس اكتشفت أنه عامل أكونت تانى وبيكلم منه بنات وبيدخل معاهم فى علاقات، ده غير إنه كان بيعاملنى وحش جداً وطول الوقت يقول مبررات مش منطقية».
بدون تردد، أنهت «هبة» العلاقة، ورغم لوم صديقاتها على فسخ خطبتها سريعاً، قبل التعرف عليه جيداً، فإنها شعرت براحة بعد قرارها: «بمرور الأيام اكتشفت إنى كنت صح، والواحدة ممكن تسامح فى أى خطأ إلا الخيانة لأنها لو اتجوزت واحد خاين هيطلع عينيها بعد الجواز».
