بريد الوطن.. قلبى يكلمنى
بريد الوطن.. قلبى يكلمنى
خبط على بابى
فتحت له قلبى
عن حاله كلمنى
بكيت على حالى
كلام العيون غالى
بيفضح والستر مالى
اتكلم يا صاحبى يا غالى
محتاج إيه.. قل لى
مكسور.. ليه قدامى
اتكلم ولون كلامى
الحاجة مررت أيامى
رغيف العيش خلانى
زايغ البصر.. عنوانى
لا عشت ولا كانت أيامى
لما صاحبى.. يحتاجنى
لما العليل.. يسألنى
لا كنت ولا عشت أحلامى
قلبى بيتقطع وكيانى
إزاى بعيش ولو ثوانى
وصاحبى محتاجنى
إزاى قبل ما يسألنى
إزاى قبل ما يزورنى
إزاى قبل ما يحضنى
ما بادرت بسؤالى
ووصية اللى وصانى
النبى وصاكم ووصانى
محمد حلمى السلاب
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
