وزير التعليم: "مش عاوزين طلاب الصف الأول الثانوي يقلقوا خالص"

11:22 م | الخميس 02 أبريل 2020

قال طارق شوقي، وزير التربية والتعليم، إن يوم الأحد المقبل سيتم إجراء أول امتحانات الصف الأول الثانوي بشكل تجريبي: "مش عاوزهم يقلقوا نفسهم خالص، والهدف منه هو أننا نجرب نفسنا مع نوع الأسئلة الجديدة في نظام التابلت، وأحنا عملناه بناء على طلبهم".

وأضاف "شوقي" خلال مداخلة هاتفية له ببرنامج "التاسعة" والذي يقدمه الإعلامي وائل الإبراشي، والمذاع على الفضائية المصرية الأولى، أن أغلب الطلاب قد استلموا أجهزة التابلت في شهر يناير الماضي ولم يقوموا بالامتحان عليه من قبل: "امتحنوا ورقي، وكنا عايزنهم قبل امتحان آخر السنة يكونوا عملوا تجربة حية على التابلت، ودي مش تجربة تدعوا للقلق خالص"، موضحا أن الوزارة وبذلك الامتحان ستختبر قدرة شبكات الإنترنت ومدى قابليتها لتحقيق ذلك الأمتحان: "أحنا بنجرب درجة احتمال الشبكة لوجودهم كلهم مع بعض، وهنجرب ولو لقينا مشاكل في أي حتة بلاش ننزعج، أحنا عايزين نلاقي المشاكل علشان نحلها".

وأكد أن الحكومة المصرية حريصة على تعليم الطلاب بكافة مراحل التعليم: "نفسي كلنا نتيح ليهم الفرصة، وبلاش نعلمهم موضوع الفزع، وعايزين نعلمهم أن التعليم ده حاجة ممتعه كأنك بتعلب مع أصحابك"، مشيرا إلى أن الوقت الحالي هو الأفضل للبحث عن المعلومات ووضعها في المشروعات التي ستطلب منهم: "تعالوا ندي فرصة للولاد أنهم يتعلموا وهما مش محتاجين حد خالص، ومدرس الفصل هيساعدهم قدر المكان سواء بالتليفون أو المنصة الإلكترونية، وياريت نديهم المساحة دي".