أحمد آدم عن فشل أوروبا في التعامل مع كورونا: "ديكور من بره وفيران من جوه"
أحمد آدم عن فشل أوروبا في التعامل مع كورونا: "ديكور من بره وفيران من جوه"
قال الفنان أحمد آدم، إن أحداث عام 2011، أثرت في وعي المصريين والأجيال الناشئة، حيث تعلموا منها، موضحًا أن هذه الفترة، شهدت الكثير من الشعارات والمزايدات.
وأضاف خلال حواره مع الإعلامي خالد أبو بكر، مقدم برنامج "كل يوم"، عبر شاشة "ON E": "من بعد 2011، بقى في شعارات زي الديموقراطية والمهلبية، لكن عشان تتحول لأفعال، فالشباب عرف مين الصادق ومين اللي بيتاجر بآلامه، ومين اللي عاوز يحكم عشان يموتنا أو عشان بيحب البلد".
وأردف: "تجربة 2011 أثرت في الناس وزودت الوعي، وكان بقالنا أكتر من 40 سنة كان في قوى قاصدة تضلل وتصيبنا بالإحساس وإن المواطن يستحق يركب عربية من غير ما يشتغل لكن عشان الدولة الحرامية مش هتبقى زي كده".
وواصل: "كانوا بيقولوا بص أوروبا، وفي أول جائحة أوروبا وقعت، عاملة زي ديكور المسرح المبهر ومن جوه فيران والدنيا بايظة، رغم إن الناس كانت بتقول إن الإنسان كان بينتحر في أوروبا".
وأوضح، أن هناك شعوب ستختفي بسبب أزمة كورونا، بالإضافة إلى وجود أنظمة سياسية ستتغير: "مش هيبقى كتلة شرقية وغربية، أو نظام أحادي قطبي، هيبقى في تناغم بين الأنظمة أو العالم هيتدمر".
