بسمة وهبة عن خروج مسيرة ضد كورونا: "كلها قلة وعي وتحريض إخواني"
بسمة وهبة عن خروج مسيرة ضد كورونا: "كلها قلة وعي وتحريض إخواني"
قالت الإعلامية بسمة وهبة، إن ثقافة الاستهتار وعدم الالتزام، كان لابد أن يتخذ ضدها قرارات صعبة وحازمة، خصوصا أن الدولة توسلت وناشدت منذ بداية أزمة كورونا، للمواطنين بعدم الخروج من المنزل، إلا للضرورة، وعدم الانضمام لتجمعات، خاصة أن الفيروس سلاحه الرئيسي هو سرعة الانتشار "اللي بيحصل في إيطاليا وإسبانيا مرعب، ورغم كدة لا حياة لمن تنادي".
ووجهت خلال برنامجها "كل يوم"، المذاع على شاشة قناة "ON"، رسالة للمواطنين بالالتزام والجلوس في المنزل، "خافوا على نفسكم وحبايبك، هو الاستهار بقى عقيدة؟ شوية يقفلوا باب القهوة بالعشرين واحد جوة، ينفع كدة، وشوية ماشيين مع نفسهم في الشوارع إزاي؟ وشوية عاملين فرح وعاملين شو بالكمامات معقولة؟، لو مش خايفين على نفسكم خافوا على البلد على أهلكم وأسرتكم".
وتابعت: "كلة كوم والكارثة بتاعت الإسكندرية امبارح كوم تاني، كلها قلة وعي وتحريض إخواني، أنا بجد مش مصدقة، هو فيه حد يعمل مسيرة في الشوارع ضد الفيروس.. إزاي؟، امبارح كنت بقول يا مثبت العقل والدين.. معقولة ياربي، وشوية الحلوين اللي بيتذاكوا عشان يندسوا ويلعبوا الموضوع سياسي هو انتو فاكرينها سايبة؟ لا مش سايبة دة انتم بتحلموا احنا في دولة بيحكمها رئيس ويقودها بحكمة وقوة وكلنا في ظروف أصعب من كدة كمان كان بيحكمها بقوة وعديناها".
واستكملت: "احنا في دولة مؤسسات واعية وصاحية وبقت فاهمة كل ألاعيبكم، كلنا فاهمينكم، ومفيش دليل على كدة أكبر من رسالة الرئيس في كلمته الأخيرة لما قال بقالكم 80 سنة بتحاولوا تهدوا الدولة ومعرفتوش ومش هتعرفوا".
