وزير التعليم: امتحانات أولى وتانية ثانوي ستكون من المنزل عبر التابلت
وزير التعليم: امتحانات أولى وتانية ثانوي ستكون من المنزل عبر التابلت
- وزير التعليم
- طارق شوقي
- المنظومة الجديدة
- يحدث في مصر
- وزير التعليم
- طارق شوقي
- المنظومة الجديدة
- يحدث في مصر
قال الدكتور طارق شوقي، وزير التربية والتعليم، والتعليم الفني، إنه يتم العمل على تطوير البنية التحتية لمنظومة التعليم منذ سبتمبر 2018، ويتم العمل على سوفت وير، حيث سيخضع طلاب الصف الأول الثاني والصف الثاني الثانوي لامتحانات نهاية العام في منازلهم عبر التابلت، "البنية التحتية دلوقتي مش بس قادرة تشيل أولى وتانية ثانوي، دي قادرة تشيل المنظومة كلها".
وأضاف "شوقي"، خلال مداخلة هاتفية في برنامج "يحدث في مصر"، مع الإعلامي شريف عامر، على شاشة "MBC مصر"، أن وزارة التعليم أعلنت عن المنظومة الإلكترونية وكيفية دراسة الطلاب عبر الإنترنت بعد 4 أيام من قرار الرئيس عبدالفتاح السيسي بتعليق الدارسة لمدة أسبوعين، "ابتدينا نشوف ثمرة تطوير البنية التحتية في المنظومة وهي المكتبة الإلكترونية".
وتابع: "حاجة هايلة لما الطلاب يدخلوا المكتبة الإلكترونية ويقعدوا فيها شوية، معاهم كتب ومعاهم المدرس في نفس الوقت ومعاهم الأهالي ممكن يخشوا هما كمان في المكتبة، كل اللي فيها متراجعة بشكل كويس جدًا من خلال الوزارة، وعاوز أقول لأولياء الأمور إن ده المكان الأنسب عشان ولادكم يخشوا فيها".
وواصل: "فيه منصة زي جوجل كلاس شبه الفصل كده، هتبقى بالكود، الطالب يخش ويتفاعل مع المدرس وباقي زملائه، هو أشبه بالفيس بوك برضوا، واحتمال ندعو ولي الأمر كمراقب في العملية التعليمية على مواقع الإنترنت، يدخل يشوف ولاده بيتعلموا إزاي، ويشوف الواجبات اللي اتكلفوا بيها وابنه هيعملها ولا لأ، ولكن دون أن يشترك في المناقشة التي تتم بين الطلاب والمعلمين".
