إعلامي مصري بالصين يعدد أهمية زيارة وزيرة الصحة لبكين الفترة الحالية
إعلامي مصري بالصين يعدد أهمية زيارة وزيرة الصحة لبكين الفترة الحالية
أبرز هاني يونس، المستشار الإعلامي لرئيس مجلس الوزراء، ما نشره محمد أسامة، خبير إعلامي ومقدم برنامج في الصين، عن أهمية زيارة وزيرة الصحة الدكتورة هالة زايد إلى الصين، حيث أعاد يونس نشرها على صفحته الشخصية بموقع التواصل الاجتماعي "فيس بوك".
وكان محمد أسامة، قال "أنا بصراحة متكيف جدا جدا من زيارة وزيرة الصحة المصرية للصين، وإضاءة المعالم الأثرية المصرية بعلم الصين، الدبلوماسية الناعمة وضربة معلم وشابو للقيادة السياسية في مصر، احنا استفدنا كتير من الزيارة دي وده مش كلام إعلام وخلاص".
وأوضح أسامة، أن الصين كدولة وشعب، تفكر بشكل جيد وتعرف جيدًا من وقف معها جيدًا وقت الأزمة، "ده هيعود علينا بعد كده في مصالحنا المتشابكة مع الصين ومشاريعنا واستثماراتهم، استفدنا ان اسم مصر كان موجود حرفيا في كل الاخبار والنشرات ووصل لكل صيني متابع للأخبار".
وتابع: "استفدنا (العلم) اللي خدته معاها الوزيرة وهي مسافرة وحط 100 خط تحت العلم عشان هو ده اللي بينفع في الظروف دي، ده غير طبعا الأجهزة والمعدات الحديثة، استفدنا ان الجالية المصرية في الصين، ودي كبيرة مش صغيرة، هتلاقي دعم قوي في الصين، وكفاية إحساس الفخر اللي مالينا والصينيين كل شوية يبعتولنا ويقولولنا شكرا ليكم ولبلدكم المحترمة".
وواصل: "استفدنا إن حركة السياحة هتتحرك كويس ناحية مصر بعد الوباء ما يخلص، أنا جاتلي تعليقات ورسائل كتير على الويبو من صينيين، عاوزين يروحوا يشوفوا المزارات السياحية، ومواقع التراث العالمي في مصر اللي شافوا العلم الصيني منور عليها وقد ايه هي جميلة".
واختتم حديثة بـ"تحيا مصر وربنا يحمي بلدنا ويبعد عنها كل سوء قولوا آمين".
