حكاية صورة لـ"عمر كمال" يعلق عليها متابعوه من العام الماضي
حكاية صورة لـ"عمر كمال" يعلق عليها متابعوه من العام الماضي
حصل مطرب المهرجانات عمر كمال على تعاطف عدد كبير من رواد مواقع التواصل الاجتماعي "فيسبوك"، بسبب صورة له أثناء عمله السابق، ليواصل متابعوه التفاعل معها رغم نشرها منذ العام الماضي.
وبدأت الواقعة يوم 4 أغسطس 2019، عندما نشر عمر كمال صورة له في عمله السابق كفرد أمن، عبر صفحته الرسمية على "فيسبوك"، معلقًا عليها: "فيه حد كاتبلي في الكومنتات.. نسيت نفسك لما كنت شغال في بنزينة.. قصده على الصورة ديه".
وأضاف: "عاوز أحكي حكاية بجد.. يارتنى والله حتى كنت شغال في بنزينة.. الصورة ديه أنا كنت شغال عامل أمن 12 ساعة، وباخد 40 جنيه في اليوم، يعنى 1200 جنيه في الشهر.. بس أنا كنت نفسى أتعين في بنزينة التفويل ديه، وأبقى موظف ثابت.. فكنت بلبس أفرول العمال، واطلع اشتغل واتعلم عشان لما يطلبوا تعيينات أكون جاهز وليا الأولوية، لأني عارف الشغل ماشى إزاى".
واختتم: "كنت بجتهد وأسعى عشان أحسن من نفسي ودخلي.. أنا فخور بنفسي في كل مراحل حياتي.. وعلى فكرة الصورة ديه من 4 سنين بس.. يعنى كنت بغنى ومنزل أغاني وكل حاجة بس كان لسه ربنا مكرمنيش.. فالشغل مش عيب.. ولو لا قدر الله الدنيا قلبت عليا ف يوم هشمر وهنزل اشتغل بإيدي تاني".
بدرية طلبة تعلق على الصورة
ورغم مرور ما يقارب 6 أشهر، إلا أن العديد من نشطاء "فيسبوك" ما زالوا يعلقون على الصورة حتى الساعات القليلة الماضية، وكان أبرزهم الفنانة بدرية طلبة، قائلة: "محترم ومتربي.. الشغل عمره ما كان عيب.. ولا عيب إن ربنا يكرمك ويفتحها عليك من وسع.. هو اللى بيقسم الأرزاق.. متهتمش بكلام حد إنت جميل.. وجواك نضيف بص قدامك لسه اللي جاي أجمل وأحلى ياطيب".
وعلق حساب يحمل اسم محمد حلمي قائلًا: "إنت محترم ونضيف ومتربي تربية محترمة.. ووالديك أحسن ناس في الدنيا كلها.. وهما اللي علموك الرضا والقناعة والصبر وكل حاجة حلوة.. ربنا يرحم والدك ويباركلك في والدتك ويرزقك بكل خير يارب ويسعد قلبك"، وقالت نرمين الغندور: "ربنا يكرمك ويباركلك في عمرك وصحتك.. أحلى حاجة فيك البساطة.. خليك زى مانتا.. فعلا أنسان جميل".
وحصلت الصورة على تفاعل تخطى حاجز الـ65 ألف حتى الآن، وذلك خلال ما يقارب 6 أشهر من نشرها.
يُذكر، أن عمر كمال قرر مساء أمس، الإعلان عن طرح مهرجان "عود البطل" مع حسن شاكوش، غدًا الثلاثاء، رغم قرار نقابة المهن الموسيقية بمنع التعامل مع مطربي المهرجانات.
