فريدة سيف النصر تتعرض لوعكة صحية: "حاجة غريبة بتحصلي لرابع مرة"

05:53 م | السبت 29 فبراير 2020

تعرضت الفنانة فريدة سيف النصر، لوعكة صحية مؤخرًا، إذ طالبت جمهورها بالدعاء لها، قائلة: "ممكن تدعوا لي من قلبكم بجد أول مرة أبكي زي الأطفال".

وكتبت "فريدة"، عبر حسابها الشخصي على موقع التواصل الاجتماعي "فيس بوك": "أنا أصلًا باتحمل لكن مش قادرة.. ده مش ماكياج ده وشي بدون سابق إنذار صحيت بأصوت نص الليل، ودي رابع مرة يحصل لي حاجه غريبة في وشي، وأكون بشتغل يعني مش وقته استغفر الله.. أحسن من غيرنا، سامحني والنبي اللهم لا اعتراض".

وتابعت: "عاملة زي الكورة الكفر عينيه مقفولة وبوءي مدلدل حتى حواجبي وارمة.. يخرب بيت كده، أنا اديتكم نص الوش علشان حقيقي مش أنا.. رعب والله، تغيير سريع، سبحان الله والحمد لله، مش هزار تحت أسنان سليمة، 4 خراريج إزاي مش عارفين، عملنا بانوراما كاملة والدكتور مستني الالتهاب يروح والورم بحقن الفنتيرن قوية واوجمنتين وبعدين يقرر فيه ايه؟".

وأضافت: "هو نفسه بيسأل في إيه؟ هو أنا اللي هعرف يا دكتور.. وطبعا الفليكتور منيمني على روحي لأن الألم الحمد لله مايتحملوش إلا حد مستسلم لإرادة ربنا ويشكره.. المشكلة الشغل ومفيش وقت لاحول ولا قوة إلا بالله.. لازم يصوروا من غيري وأنا وافقت هعمل ايه!؟؟ قدر الله وما شاء فعل حاضر حبيبي يا ربنا كل اللي تجيبه راضيه والحمد لله هو مابيجيبش حاجة وحشة أبدا قضا أخف من قضا لو هافدي الغاليين كلهم أنا جاهزة.. ادعوا لي.. أسفة على الصورة بس أنتم حبايبي وهاتتحملوا ده أنا لسه منزلة على الصفحة لايف بالنظارة الفراشة امبارح باين طلعت فراشه ملوثة.. الآذان سلام بقي".