يحدث في طنطا: علاج السمنة المفرطة في صيدلية.. ماكانش حد غلب!
يحدث في طنطا: علاج السمنة المفرطة في صيدلية.. ماكانش حد غلب!
- التخسيس
- السمنة
- طنطا
- صيدلية
- السمنة المفرطة
- علاج السمنة
- التخسيس
- السمنة
- طنطا
- صيدلية
- السمنة المفرطة
- علاج السمنة
خدمة مميزة ومختلفة، تقدمها صيدلية فى مدينة طنطا، حيث توفر أطباء تغذية يقدمون استشارات طبية مجانية للذين يعانون من مرض السمنة المفرطة، لمدة 15 يوماً، من السادسة إلى التاسعة مساءً.
تعاون أحمد عبدالعال، مسئول الصيدلية، مع بعض زملائه من أطباء التغذية لتقديم هذه الخدمة لسكان المنطقة: «أغلب المناطق الشعبية نسبة الوعى والاهتمام بالصحة عندهم تكاد تكون منعدمة، ده غير إن التغذية بنسبة كبيرة غلط وغير صحية وده بيسبب أمراض كتير منها السمنة اللى بتسبب القلب والضغط والسكر»، بدأ «عبدالعال»، فى تقديم هذه الخدمة منذ أسبوع تقريباً، ويستقبل الأطباء المواطنين داخل الصيدلية: «بيقفوا على جهاز الـ«إن بادى» وده بيحسب وزن الجسم والكتلة ونسبة الدهون والعضلات والميّه، وبعدين الدكتور بيحدد لهم النظام الغذائى اللى المفروض يمشوا عليه».
يجد الكثير من المصابين بالسمنة المفرطة أزمة حقيقية بسبب ارتفاع أسعار الكشف لدى أطباء السمنة والتغذية، وكذلك الأسعار الباهظة لعمليات تكميم المعدة، وهو ما يدفعهم إلى تجنب الخوض فى هذا الطريق للمحافظة على صحتهم: «فيه ناس كتير بقت تكبر دماغها رغم إن زيادة الوزن ممكن تأثر عليهم بشكل واضح».
ولاقت هذه الخدمة إقبالاً من المواطنين، الذين سارعوا بإجراء الكشف الطبى عليهم: «عملت الخدمة أسبوعين عشان يكون فيه كشف فى الأسبوع الأول، والتانى يكون متابعة لنتائج النظام وهل خسوا عليه ولا لأ، وبعدها يا إما يكملوا فيه أو الدكاترة بيغيروه.
