يسري نصر الله عن أزمة محمد رمضان: باسم سمرة "بيتعصب لما حد يعامله بعجرفه"
يسري نصر الله عن أزمة محمد رمضان: باسم سمرة "بيتعصب لما حد يعامله بعجرفه"
علق المخرج يسري نصر الله، على الأزمة الأخيرة، التي وقعت بين الفنانين محمد رمضان وباسم سمرة، بسبب فيديو صور بأحد الأفراح، الذي حضره كليهما، ظهر فيه "سمرة" يدفع "رمضان".
وكتب نصر الله على حسابه الشخصي عبر "فيسبوك": "باسم سمرة بالإضافة لكونه ممثل مدهش، أطيب وأجدع إنسان أعرفه، فيه حاجة واحدة ممكن تخليه (وتخلي أي واحد عنده سنة نخوة) يتعصب: إن حد يدوسله أو يدوس لحبايبه على طرف، أو يتعامل معاه ومع حبايبه بعجرفة".
وأضاف: "باسم يعرف معنى الصداقة والأصول، ومحمد رمضان يعرف ده كويس قوي، من يوم ما اشتبك أثناء تصوير فيلم في خناقة عنيفة مع ناس من نزلة السمان، واللي خلصه منها تحديدا باسم، باسم في كل تعاملاتي معاه، بيدي للدور كل مشاعره وكل انضباطه".
وتابع: "وكل اللي عملوا في أفلامي يعرفوا ده عنه، عمري ماشفت باسم بيتباهى باللي عنده وباللي ماعندوش، وعمري ما شفته بيفعص أو يأذي حد أقل منه، وف حواره مع عمرو أديب عجبني جدا إنه يتكلم عن إزاي الصحافة والإعلام بيتجاهلوا شغل الممثلين وبيتلهفوا على الكلام عن خناقتهم، وعجبني دعوته لمحمد رمضان، إنهم يعملوا فيلم روائي قصير من بطولتهما هما الإتنين".
