أحمد حلمي يرفض منع "المهرجانات": فيه ناس هتتظلم.. وبستعد لعمل فني جديد في العيد

قال  الفنان أحمد حلمي، إنه يحضر للمشاركة في عمل فني، في موسم العيد الكبير خلال حواره مع الإعلامي عمرو أديب، بحلقة اليوم من برنامج "الحكاية".

وأضاف: "مفيش حاجة بعينها، لكن بحاول أشتغل على أكتر من حاجة، وعاوز يبقى تحت إيدي أكتر من عمل".

وحول أزمة أغاني المهرجانات، قال حلمي: "أي حاجة بتنتشر لازم ناخد بالنا منها، أنا مع التصفية والتنظيم، أكيد فيه ناس بتقول حاجات حلوة وألحان حلوة وأصوات حلوة، وعندها موهبة حقيقية".

حلمي: أرفض تعميم منع أغاني المهرجانات

وشدد حلمي، على رفضه تعميم منع أغاني المهرجانات: "كده بتاخد العاطل مع الباطل وفي ناس بتتظلم، زي ما بيعملوا لنا امتحانات تمثيل، وفي الآخر بيتقبل ناس وبيترفض ناس كتير والنقابة لازم تقنن الأصوات، ولو صوتك حلو اتفضل غني".

• أحمد حلمي
• عمرو اديب
• برنامج الحكاية
• الفن
• اخبار الفن
• أحمد حلمي
• عمرو اديب
• برنامج الحكاية
• الفن
• اخبار الفن