ناصر البرنس يقاضي محمد رمضان: غفلنا كلنا ورقص فوق الطرابيزة
ناصر البرنس يقاضي محمد رمضان: غفلنا كلنا ورقص فوق الطرابيزة
عبر ناصر البرنس، صاحب أحد المطاعم الشهيرة، عن أسفه لأهل منطقة إمبابة بسبب واقعة الفنان محمد رمضان داخل مطعمه، قائلا: "النجم نحلم إنه يجي إمبابة، وعاملي نجومية، بس يجي بطريق اللي هو يخش عليا ويقولي هعمل فيديو كليب أو كذا عشان يبقى فيه مشتركين فيه، بس ميغفلنيش".
وأضاف خلال تصريحات خاصة لـ"الوطن" أن "المستشار حسين منير، المحامي الخاص بي وقف بجانبي وأكد لي أنه سيعيد حقي ورفع دعوى قضائية لأن "رمضان" جاء بطريقة غير شرعية مع المنتج وأنهم "غفلونا كلنا"، وأنهم صوروا بحوالي 6 أو 7 كاميرات".
وتابع: "في نفس الطرابيزة أنا جي أصور أهو، مقدرش أكذب على أي جورنال جي يكلمني، جورنال الوطن فوق دماغنا وجورنال عريق، وأنا بقول الحق، وهو بيحلل لو فيه حاجة مش مصداقية مش هينزلها".
واستكمل: "جه امبارح رقص على المينيو اللي على الطرابيزة، دة ميرضيش ربنا، أنا رافع دعوة قضائية مع معالي المستشار، لو نزل الفيديو في مسلسل البرنس هاطلب من القضاء تعويض، ده حقي، وعمل بردو فيديو كليب وجه يغفلنا كلنا، مفيش حاجة اسمها نمبر وان، نمبر وان هو بلدي الجميلة وشعبنا المحترم العريق، نامبر وان يعني جيشنا المحترم".
