عمر كمال: أنا عضو نقابة منذ 4 سنوات.. وعمري ما عملت حاجة خارجة
عمر كمال: أنا عضو نقابة منذ 4 سنوات.. وعمري ما عملت حاجة خارجة
قال عمر كمال، مغني المهرجانات، إنه عضو نقابة المهن الموسيقية منذ 4 سنوات وقام بتلحين أغنية للفنان هاني شاكر، نقيب المهن الموسيقية، "عمري ما عملت حاجة خارجة عن أدبنا وتقاليدنا، وأنا كنت ضد إني أحط كلمة خمور وحشيش في أغنية بنت الجيران"، وذلك خلال حواره في برنامج "من مصر"، مع الإعلامي عمرو خليل، على شاشة "CBC".
وأضاف أنه قام هو وحسن شاكوش، بعمل نسخة جديدة من أغنية "بنت الجيران"، وتم وضعها في فلاشة "فيه ناس في الأفراح بتطلب مننا نجيب الفرقة، وفيه ناس مش معاها حق الفرقة فبيشغلوا الفلاشة وإحنا موجودين، وبالتالي إحنا مسجلين الأغنية بشكل جديد دون وجود الألفاظ الخارجة".
وأعرب عن سعادته البالغة بغنائه داخل ستاد القاهرة، "إحنا كان قدامنا سنين عشان نقف في المكان ده، إحنا قدمنا الأغنية بعد تامر حسني ووائل جسار ونانسي عجرم ومحمد الشرنوبي، وعارفين إن فيه مسؤولين في الدولة بيسمعونا، إحنا استحالة نغلط غلطة زي دي، بس النسخة الجديدة من الأغنية كانت على الفلاشة، وتم تشغيل الأغنية القديمة في الاستاد".
وعن تامر حسني، قال "أخ كبير لينا، أكتر إنسان جدع ممكن نقابله في حياتنا، مكنش عاوز يظهر في صورة الصلح بيني وبين حسن شاكوش، وخدنا الصورة معاه بالعافية".
