أستاذ طب نفسي: منتهى السعادة في الحب هو الاختيار بالحرية
أستاذ طب نفسي: منتهى السعادة في الحب هو الاختيار بالحرية
قال الدكتور هاشم بحري، أستاذ الطب النفسي، إن الحب عبارة عن احتياج، "كل واحد محتاج لحد يحتاجله، كل ما هيكون عطائك فيه إخلاص وصدق اللي قدامك هيديك بردو كدة"، موضحا أن أكثر الأشياء التي تضيف بهجة في العلاقات هي الارتباط بالإنسان والشعور بالحرية.
وأضاف بحري خلال حوار ببرنامج "من مصر"، المذاع على شاشة "CBC"، والذي يقدمه الإعلامي عمرو خليل، أن هناك قولا بأن الزواج الناجح قائم على الطلاق، "بمعنى أنا مرتبط بمراتي مش علشان بيني وبينها ورقة، لكن أنا مرتبط بيها عشان بحبها، وكأن الورقة دي ملهاش قيمة عندي، المهم الإنسانة".
وتابع أستاذ الطب النفسي، أن منتهى السعادة في الحب هو الاختيار بمنتهى الحرية، ولكن تكمن المشكلة في اختياراتنا أنها نابعة من أشياء كثيرة من ضمنها الماضي أو التراث والخبرات السابقة المتمثلة في الوالدين والأصدقاء، فيسأل الشخص نفسه هل هو يختار لنفسه أم يختار لعيون الناس فتكمن هنا مشكلة الاختيار، موضحا أن الحب المبني على الحرية نادر جدا وناجح جدا.
وتابع: "لما نلاقي الاختيارات في المجتمعات الغربية بتجد أنه بتتوزن الحكاية أن البنت عاوزة الولد دة بصفاته كذا، والولد عاوز مواصفات البنت كذا، مش علشان هي بنت مين فقط ولا عندها شقة أد إيه وتجد الحياة أسهل بكتير لأنه بيختارها وهي بتختاره ومفيش مانع إني اتعلم من أخطائي إني أقول اختياري ده مش كويس فيبقى الاختيار بعد كده يتحسن".
