هبة هجرس في ندوتها بمعرض الكتاب: عايزة الناس تسمع صرخات ذوي الإعاقة

06:02 م | الاثنين 27 يناير 2020

في ندوة حول مناقشة كتاب التسويق الصعب "الإعاقة والعمالة في مصر.. دراسة نقدية" حضرتها صاحبة الكتاب الدكتورة هبة هجرس.

وعبرت هجرس، عن سعادتها بترجمة الكتاب من الإنجليزية للعربية "أنا فرحانة إن رسالة الإعاقة في مصر بقت بالعربي، حاسة إن كتابي إضافة للمجتمع العربي"، موجهة الشكر لكل من حضر في الندوة، ووزيرة الثقافة الدكتورة إيناس عبدالدايم "لولا اقتناعها بحقوق ذوي الإعاقة مكناش هنقدر نعرض الكتاب في المعرض".

وتحدثت هجرس عن الكتاب والتحديات التي واجهتها أثناء إعداده، "أنا كنت إنسان عندي إعاقة معرفش حاجة غير احتياجاتي وما يخصني وفجأة طلب مني أمثل الناس دول وأتكلم عليهم، ولكن خوفت الناس تقول عليا كلامنجية وخوفت أكون الدبة اللي قتلت صاحبها"، مشيرة إلى أنها سافرت للخارج لأن مصر لا يوجد بها تخصص إعاقة، "فضلت أتساءل الناس ذوي الإعاقة هيعتمدوا على نفسهم إزاي، فققررت إن لازم قضية العمل وفرص العمل تكون هي الشاغل الأكبر في الدكتوراة وتكون من منظور مصري وإني أنزل للناس وأشوف هما عايزين إيه وإيه اللي عايزين يوصلوله".

وتابعت: "كنت عايزة أناقش الناس هناك وأعرف تحدياتهم إيه ومشاكلهم إيه وأهدافهم إيه ولقيت إن الشاغل ليهم إنهم مش قادرين يوفرورا لأولادهم حياة أفضل".

وواصلت: "محتاجين نرفع عنهم هذا الظلم والتهميش واستخدمت طريقة بحث اسمها حكايات تاريخية إن كل واحد بيحكي عن اللي مر بيه ويحكي رحلة تاريخ حياته ويكتب نهاية ترضيه هو"، كما ناقشت مدى تأثير البيئة الثقافية والاجتماعية والسياسية على حياتهم.

وعن عمل ذوي الإعاقة، قالت إن الأشخاص ذوي الإعاقة مدربين تدريبا ضعيفا وتعليمهم مستواه متدني، وبالتالي محدش هيرضى يشغلهم، "بقوا يقعوا من سوق العرض والطلب لأنهم معهمش التعليم المناسب".