زينة: "معنديش مصدر دخل غير الفن.. وبشتغل عشان أصرف على ولادي"
زينة: "معنديش مصدر دخل غير الفن.. وبشتغل عشان أصرف على ولادي"
قالت الفنانة زينة، إنها كانت تتحصل على أموال كثيرة منذ صغرها من التمثيل، حيث إنها خريجة تجارة جامعة عين شمس، وكانت تصرف على نفسها ولديها أموال كثيرة، وليست عليها أي مسؤوليات لذلك كان لديها هوس الشراء والسفر وعمل الشوبنج.
وأضافت "زينة"، خلال حوارها في برنامج "الحكاية"، مع الإعلامي عمرو أديب، على شاشة "Mbc مصر": "لو حد زعلني بس أروح على طول أعمل شوبنج، ده أنا بقيت عميلة مميزة في إنجلترا في المولات، أدخل المول ألاقيهم بيخدوني بالحضن ويبوسوني، بس فجأة لاقيت نفسي مسؤولة وعندي عيال".
لأول مرة.. زينة تتحدث عن طليقها وأزمة مصاريف المدرسة
وأوضحت أنها رفضت الكثير من الأعمال السنة الماضية بناء على رغبتها، ولكن العام الحالي ترغب في العمل، "عاوزه أشتغل عشان عندي مسؤولية عشان يكون عندي فلوس، عشان عندي عيال ونفسي أعيش عيالي في مستوى كويس، معنديش مصدر دخل تاني غير ده، أنا بدفع فلوس المدرسة لأبنائي وبعدين أروح أرفع القضية عشان أطلع فاتورة ولازم كل سنة ترفع قضية نفقة".
وتابعت: "المحامي بياخد الوصل بتاع الدفع بتاع المدرسة ويروح يرفع بيها قضية عشان طليقي يدفع الفلوس، موضوع مرهق أوي، ياريت كان قضية واحدة لسنوات الدراسة كلها عشان فلوس المحامي، دلوقتي بقيت أعمل شوبنج للشغل بس، يعني أشتري هدوم الفيلم من فلوس الفيلم".
