"الحياة اليوم" تنشر تسريبا لمحمد علي.. وحسين البديني يفضح أيمن نور

10:56 م | الاثنين 20 يناير 2020

نشر برنامج "الحياة اليوم"، تسريب صوتي جديد للإخواني حسين بديني يفضح أيمن نور ومخطط المقاول الهارب محمد علي لتخريب البلاد.

وقال "بديني" خلال التسريب الذي نشره البرنامج الذي تقدمه الإعلامية لبني عسل والمذاع على فضائية "الحياة": "أنا اسمي حسين بديني، وكنت لغاية فترة قريبة جدا مراسل قناة الشرق في ألمانيا، ومسؤول ملف الإعلام في حزب غد الثورة بتاع أيمن نور، وكنت دراعه اليمين في ألمانيا".

وأضاف: "من فترة قريبة حصل خلافات ومشاكل في قناة الشرق نفسها، وأنا انسحبت واستقلت وأعلنت ذلك بشكل علني، ولو سألت عني سامي كمال الدين هو صاحبي وأخويا وحبيبي وعارف التفاصيل بشكل أكبر، وأنا أنسحبت وعلاقتي بأيمن نور مابقتش كويسة خالص، وعندي إحساس إنه مش جاد أوي في موضوع الثورة ده، وحاسس إنه بتاع مصلحة في الأول والآخر".

وتابع: "تامر جمال إخصائي نفسي ومعالج نفسي واتخرج في الدفعة اللي بعد مني على طول، وهو بيلعب اللعبة دي، لعبة نفسيه ثورية، وشخصية الجوكر مقتبسة من شخصية مرعبة مخيفة ليها وجود في السينما العالمية، وكان في فيلم مشهور بيقتل وبيفزع ويخوف ويرعب كل من هو غير راض عنهم، وهو اقتبس الشخصية دي على أساس أنها تكون مصدر رعب وفزع للانقلابيين ومن وراءهم، وده على المستوى النفسي والثوري".

وفند: "بيعمل المكياج مش علشان يخبي نفسه أو صورته والناس كلها عارفة هو مين، ولكن علشان يدخل الثوار المصريين في القصة والموضوع وكأنهم جزء منه وده بيلقي الرعب في قلوب الانقلابيين أكثر من أنه بيساعد بتنظيم ثوري، وهو بيلعب لعبة نفسيه في المقام الأول وهي كويسة ومفيدة، وظهورك مع وائل غنيم ماكنش ميزة كبيرة بالنسبالك، بالعكس هو شدك معاه في الطين، وشكك ناس كتير أوي في مصداقيتك، ووائل غنيم كارت اتحرق خالص والبعد عنه أحسن وملهوش أي 30 لزمة".

ورد عليه المقاول الهارب "محمد علي": "أنا سمعت أن تامر جمال عامل دمج مع حركات تانية، بص أنا بجمع كل اللي أقدر عليه دلوقتي، ووائل غنيم طلع مريض نفسي وعبيط وهربانه منه، وعمرو واكد تقدر تقول مش عارف يرجع مصر وخلاص، يعني كده بهجت صابر مثلا ملوش شعبية علشان لسانه زفر".

واستكمل: "مطلوب منك تقول فى الفترة من 15 يناير إلى 30 يناير أن الناس جاهزة للنزول بأكبر قدر ممكن، ولغاية 15 يناير هنبدأ نشتغل على الناس كلها، وخلي الناس تقول إيه، الراجل دا طالع للشهرة، ولما اتصورت ونزلت صور كتير بلندن أو إسبانيا، الناس بدأت تشك هل هو زى ما كنا متصورين، ولا فرحان بالشهرة والميديا والقنوات اللى عمالة تستدعيه، حاسس إنه شخصية مهمة، أومال موضوع الحراك الثورى وإسقاط السيسى كان بيتكلم عليه، الكاراكتر دا مختلف عن الكاراكتر ده".

مستطردا: "لما سألك سامى وقالك ترشح نفسك لانتخابات الرئاسة، أنت موفقتش، ولما قلت آه ممكن أرشح نفسى أكيد كنت تقصد حاجة معينة، لكن أنت كده أديت انطباع أو تصور لقطاع كبير من الشعب أنك عايز تسقط النظام والموضوع بالنسبالك مش مجرد ثورة، ده طمع فى الرئاسة".

مستكملا: "الدستور المصري بيقول إن المرشح لرئيس الجمهورية لازم يكون معاه مؤهل عال، والمؤهل دا مش معاك وأنت بنفسك قولت كده أكثر من مرة، يعني فيه تضارب فى المعلومات اللى صدرت منك والكلام ده مش بيعدى على الناس".