"الكبسولة": تسريب صوتي لقيادي إخواني يدعو أنصاره لهدم الدولة المصرية
"الكبسولة": تسريب صوتي لقيادي إخواني يدعو أنصاره لهدم الدولة المصرية
أذاعت الإعلامية أماني الخياط، تسريبا صوتيا مُسربا للقيادي الإخواني محمود فتحي يعترف فيه بالتخطيط ضد الدولة المصرية، وذلك خلال برنامج "الكبسولة"، الذي يُعرض على شاشة "Extra news".
وقال محمود فتحي، خلال التسريب: "السلام عليكم يا شباب، بشكركم طبعا على مجهودكم الفترة اللي فاتت في حملة البس أسود، واللي هي لسه ماوقفتش، إحنا هنشغلها تاني، أو يمكن نختار لها يوم يبقى فيه البس أسود مع طفي النور مع الجلوس في البيت، يعني هنفكر في الموضوع ده".
وأضاف "فتحي": "هنفكر في عدد من فعاليات العصيان المدني الفترة الجاية، الحقيقة الفترة اللي جاية عاوزين نشتغل على 3 حاجات بشكل واضح، طبعا لما أقول نشتغل على 3 حاجات بشكل واضح يبقى أقصد بـ3 حاجات رئيسية وإلا إحنا دايما بنعمل إن كل فرد لازم يكون مجموعته الثورية، وأن كل فرد لازم يقنع 5 أفراد بأي حملة أو مجموعة أو فكرة أو بمشروع تيار الأمة".
وواصل "فتحي": "الـ 5 أفراد دول المفروض يقنعوا 5 أفراد آخرين وهكذا، كلنا لازم نزود متابعينا على مواقع التواصل المختلفة، كلنا لازم نكون أكثر دراسة للمشروع وأكثر عمقا في الطرح، كلنا لازم نكون أكثر وعيا بالوعي الفكري والحركي والميداني والأمني والسياسي، ولازم نعمل كل ده مع بعض".
