هاني يونس عن فيديو مسجد "الفتاح العليم": "عيطت مرتين وأنا بتفرج عليه"

نشر هاني يونس، المستشار الإعلامي لمجلس الوزراء، فيلما قصيرا يوثق إرادة تشييد أكبر مسجد في الشرق الأوسط، قائلا: "فيديو للتاريخ، وبيوثق إنجاز تاريخي".

وأضاف "يونس" عبر حسابه الرسمي على "فيس بوك": "مش قلت لكم فيديو للتاريخ، إحنا كده عدى علينا سنة على افتتاح مسجد "الفتاح العليم" بالعاصمة الإدارية الجديدة، وعلشان كده شركة "المقاولون العرب" اللي نفذت المسجد عملت الفيديو ده، والمسجد كل حاجة فيه تتدرس بجد".

وتابع: "الفيديو بيوضح لأول مرة التحديات الهندسية اللي قابلت "المقاولون العرب" في التنفيذ وازاي اتغلبوا عليها، زي مثلا ازاي طلعوا آخر جزء من المئذنة بوزن 20 طنا لارتفاع 90 مترا، وازاي طلعوا القبة اللي جهزوها على الأرض وبوزن 120 طنا، قسما بالله بكيت مرتين وأنا بتفرج".

وأضاف: "اتفرجوا، لأ اتمتعوا، وفيه مفاجأة في الفيلم، الأذان بصوت المنشد الديني الشيخ محمود ياسين التهامي، دي مفاجأة واحدة، لكن الفيديو فيه مفاجآت كتير، تحيا مصر".

• مسجد الفتاح العليم
• العاصمة الإدارية
• مجلس الوزراء
• فيلم قصير
• الشرق الأوسط
• مسجد الفتاح العليم
• العاصمة الإدارية
• مجلس الوزراء
• فيلم قصير
• الشرق الأوسط