بريد الوطن.. قلب طيب

كنت فاكرك قلب طيب..

واكتشفت إنه أنانى..

كنتى خايفة الناس تعيب..

واتعاملتى بشكل تانى..

يا اللى كنتى بتسألينى..

كل حاجة سببها إيه..

واما أسأل بتلومينى..

وتقولى لى ملكش فيه..

وف نهاية اليوم بلاقى..

كل كلمة عتاب ولوم..

ولما تيجى لحظة تلاقى..

ببقى حلمى أرمى الهموم..

بس برضه خابت ظنونى..

مش بلاقى غير السكات..

حتى نظراته لعيونى..

محتاجالها تفسيرات..

واللى خلت قلبى يحزن..

من البداية للنهاية..

لازم أبعد عنها وأعلن..

إنى هقفل الحكاية..

وأغيب عنها..

تقولى لى قاسيت..

أكلمها.. تكون زعلانة..

أحايلها.. تقولى لى هديت

وترجع تانى تتغير..

ألوم قلبى.. وأقول له يا ريت..

يا ريتنى يا قلبى ما حبيت..

                                                                                    عماد نادر

يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com

• بريد الوطن
• البريد
• خدمة البريد
• بريد الوطن
• البريد
• خدمة البريد