بريد الوطن.. ملبس يا هانم
بريد الوطن.. ملبس يا هانم
ملبّس يا هانم.. مشبّك يا بيه
لبان.. سمسمية.. وطوفى بجنيه
ببيع الحلاوة.. يا ست البنات
وملبن نقاوة وسكر نبات
وكل اللى عايزه معايا تلاقيه
نادينى يا باشا وشاور عليه
تحلى انت بقك
وأنا أفضل ف صومى
وتلبس ف ماركة
وابيعلك هدومى
ولا حد سائل
ف تعبى وهمومى
وساكت مقلتش ده لأ.. وده ليه
وف القطر راكب
وصابر وشاكر
وراضى بقليلى
ولا لغيرى ناكر
ودافع حياتى
لحق التذاكر
وتمنى يا بلدى بسبعين جنيه
ملبس يا هانم.. مشبك يا بيه
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
