بريد الوطن.. مناداة من وراء السحاب
بريد الوطن.. مناداة من وراء السحاب
يا ولدى ارجع كفياك سفر فى دنيا ما فيهاش فرار من المكتوب، الحياة ليس كمالها بالمال اللى بتبعته واللى ممكن يكون بيشبع البطون، لكن نار البعد والفراق أشد على القلوب كويا، دايماً حمالة الأسى والحزن والحنين بينادى عليك باشتياق، بلدك ومن جواها أهلها رجوعك بقى حلمهم وطال الانتظار وهوى التفكير فى بئر من الأوجاع، طالبين أحضان دافئة فى عز الشتاء القارس، عايزين ظلك يهون حرارة الصيف الحارقة، أولادك كل يوم على الصبح يسألوا متى يعود بابا الحبيب، وياخدنا تحت جناحه ويطير بينا على الأرض اللى وحشتنا خطوته مع خطواتنا، نفسنا نمسك بالأيادى ونجرى بين البساتين ونقطف الورود ونستمتع برحيق زهورها وتفتحها بعواطف الحب والغلى، ونلعب مع الفراشات، سيبت أهلك وهجيت على بلد غريب، أمك وأبوك محتاجين عطفك ورؤيتك قبل الوداع الكبير الذى لا يعوض وداع السنين، حبيبة صبرت على العذاب وضاقت بها الأرض من الحبايب والمعينين، وقتلت المشاعر والقرب فى مقتل، تكملة مشوار الحياة على صفحات الفراق بتطوى المسافات ويكسوها المرض والتجاعيد، ويترك العلامات على الوجوه وتطول المعاناة، وطنى لا تحزن فما زالت بداخلنا روح الانتماء، وعلى الجثث لن أمشى أو أساعد فوق القفز فوقها لكى أعبر وحدى الوحل والطين، وحتما سيجىء يوم سوف يرق القلب ويتدبر فى الآخرة ونعيمها جزاء الإحسان والدفاع والدعاء، وتعى من يحاك من وراء ظهرها، لا ملجأ من الله إلا إليه.
سامى جابر الشيخ
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
