وزير النقل يهاجم النقابات العمالية: كل ما أجي أطور يقولوا هيشردنا
وزير النقل يهاجم النقابات العمالية: كل ما أجي أطور يقولوا هيشردنا
شنّ وزير النقل هجوما حادا على النقابات العمالية في قطاع النقل، متهما إياها بعرقلة أي عمليات تطوير داخل القطاع، بحجة الدفاع عن حقوق العاملين.
وطالب الوزير خلال مشاركته في اجتماع لجنة النقل والمواصلات في مجلس النواب، برئاسة هشام عبدالواحد، بوضع حد لما وصفه بـ"تجاوزات النقابات العمالية"، قائلا: "النقابات العمالية بتقوي العمال على الغلط وهما مش فاهمين، كل ما اخد قرار لتطوير هيئة خاسرة، الناس تهيج ويقولك بيشردنا".
وتابع الوزير: "إزاي مؤسسة خسرانة وعاوزة تاخد أرباح؟!، أنا جاي من مؤسسة متعرفش الكلام دا"، متابعا: "يجب أن تعمل النقابات العمالية لصالح الدولة، مش معقول الشركات تبقى خسرانة وييجي نقيب عمال يقعد يشتم فينا".
وواصل وزير النقل الهجوم على النقابات العمالية قائلا: "العامل دلوقتي مش عايز مستثمر يشغله، لأننا أول ما نقول هنعمل تطوير يقول هيشردونا، هما عايزين يقضوا وقت وياخدوا بسكوت ويروحوا يشتغلوا شغلانة تانية".
وأشار إلى أنّ مول محطة مصر نسبة الإشغال به 17%، بينما باقي المحلات فيها "قطط وكلاب": "لما نجيب مستثمر يقولك لأ إحنا هنديرها، طيب إزاي ما انت هتخسر".
