محمد يحارب السرطان بـ"فوتوسيشن" بصحبة والدته: "أنا أقوى منه"

03:46 م | السبت 30 نوفمبر 2019

بـ"تيشيرت أبيض اللون" مطبوعا عليه صورته مصحوبا بعبارة "محمد قمصان أقوى من السرطان" باللغتين العربية والإنجليزية، حرض شاب يبلغ من العمر 19 عاما على محاربة السرطان بطريقته الخاصة، إذ أقدم على تصوير فوتوسيشن مع والدته وعددا من أصدقاءه الذين يدعمونه في حربه ضد المرض اللعين، وتداول راود فيس بوك جلسة التصوير، ودعواتهم تسابق السماء له بالشفاء.

"الوطن" تواصلت مع صاحب الصور، محمد محمد قمصان (19 عاما) المقيم بقرية سنهور المدينة التابعة لمركز دسوق في محافظة كفر الشيخ، لسرد قصته مع مرض السرطان، وقصة تصويره الفوتوسيشن مع والدته وأصدقائه.

"خضت معركة مع المرض والتشخيص الخاطئ لمدة سنة ونص، لحد ما اكتشفت إصابتي بسرطان الدم، قررت أتعايش وأكون عون لوالدتي اللي حزنت على مرضي". قال قمصان، متابعا: "اتشخصت غلط وكنت باخد علاج خاطئ لمدة سنة ونص، كان فيأطباء بيقولوا قولون، ودكاترة تانيين قالون إنّي مريض يشخصونى تيفود، وفجأة وأنا رايح مع اختى لدكتور جلدية ، الدكتورة لاحظت إن الغدد الليمفاوية عندي مش طبيعية، طلبت مني تحاليل ولما عملتها نصحتني بعرض نفسي على طبيب أمراض دم، روحت وطلبت تحاليل بأكتر من 6 آلاف جنيه، وكانت الصدمة لما عرفت إني مُصاب بسرطان الدم، أمي اتصدمت وانا تماسكت، البيت كله انهار وقولت لازم أكون أنا الدايرة الأقوى مش الأضعف".

لدى قمصان 5 أشقاء هو أصغرهم: "لما عرفوا كانت الصدمة كبيرة أنا المُدلل في للبيت، قررت أقص شعري لما بدأ في السقوط، وخدت قرار جرئ في محاربة السرطان ومواجهته الأول بالاعتراف بيه، فقررت الاعتراف بيه قدام الناس". قال قمصان.

قمصان: نفسي أقابل شريف مدكور لأنه قدوتي في محاربة المرض اللعين

وتابع الشاب: "نزلت فيديو وأنا بقص شعري، وفيديو تاني وأنا بقول عبارات دعم، لقيت حب كبير من الناس كان هو أكبر داعم ليّا، وجمعية محاربة السرطان كرّمتني وده كان سبب سعادة أمي، مكنتش اعرف حاجة عن السرطان، كنت فاكر إنه زي أي مرض عادي، لكن بعد إصابتي بدأ أقرأ على الإنترنت، وخطيبتي وأمي واخواتي وأصحابي دعموني، وقالولي هترجع أقوى من الأول، وبعد نشر فيديوهات وكتابة بوستات على الفيس بوك، أصحابى دشنوا هشتاج بعنوان قمصان انت أقوى من السرطان".

وعن فكرة تصوير "فوتوسيشن"، يقول الشاب إنّ صديقه محمد الخطيب وهو مصور فوتوغرافي، اقترح عليه تصويره ليكون قدوة للمرضى السرطان: "اقترح عليا وأنا صممت أمي تكون البطلة، لأنها بطلة مشواري وحياتي، جبنا قصاصات ورقية وكتبت عليها العبارات اللي حاسس بيها، زي انت تقدر، بالعزيمة والإرادة والصبر هتنتصر، قمصان أقوى من السرطان، ومش لازم تستسلم، انت بطل، وغيرها من العبارات المحفزة لمرضى اللعين".

وأضاف: "صورنا الفوتوسيشن في قريتنا الجميلة، ونفسي كل الناس يشوفوني، ونفسي أقابل شريف مدكور لأنّي بعتبره قدوة كبيرة في محاربة المرض اللعين، المرض ده منعني أكمل دراستي، بس أنا أقوى والسنة الجاية هدخل جامعة وهكمل حياتي، بطلب من كل الناس تدعم مرضى السرطان".