تحت شعار "سكرهم زيادة": رحلة للتخفيف عن "أطفال السكر"
تحت شعار "سكرهم زيادة": رحلة للتخفيف عن "أطفال السكر"
رحلة ترفيهية لـ50 طفلاً مصاباً بمرض السكرى برفقة أمهاتهم، إلى إحدى مدن الملاهى، على طريق سقارة بالجيزة، ضمن حملة «سكرهم زيادة»، التابعة للجمعية الخيرية «كلنا دليل الخير»، للتوعية بمرض السكر وإسعاد الأطفال المصابين به والتخفيف من آلامهم وأوجاعهم، وطرق العلاج والإسعافات الأولية اللازمة أثناء غيبوبة السكر.
«الأطفال غير الكبار لما نيجى نوعيهم بمرض لازم يكون بشكل بسيط يقدروا يتقبلوه عشان كده عملنا لهم رحلة»، حسب إسلام الحسينى، مسئولة الحملة، التى تستمر حتى ديسمبر المقبل، وخلال تلك الفترة يتم عمل جولات داخل مستشفى الدمرادش ومعهد السكر، ومقابلة الأطفال واصطحابهم فى رحلات ترفيهية، وكذلك التواصل مع إدارات المستشفيات ومعرفة النواقص فى أدوية الأطفال، وتجهيزها والتبرع بها لهم: «خلال شهرين هنكون خدنا أكبر عدد من الأطفال عشان يروحوا الملاهى ونقدر نبسطهم ونهون عليهم جرعات الأنسولين اللى بياخدوها يومياً».
خلال هذه الرحلة الترفيهية، يتم عمل حلقة توعوية من قبل أحد الأطباء الموجودين بالحملة، وتوعية الأمهات وأطفالهن بمخاطر المرض: «من الضروريات فى الرحلة إننا بنعرف الأمهات الموجودات لوحدهم إيه الحاجات اللى لازم تكون موجودة فى الشنطة معاهم عشان لو الطفل سكره رفع أو انخفض زى مثلاً عصير أو حبة سكر والشيكولاتة مش مناسبة لو السكر منخفض لأنها بتحتاج 10 دقايق عشان السكر يترفع تانى، وكده الطفل ممكن يدخل فى غيبوبة»، وتضم هذه الرحلات أيضاً بعض الأمهات المعرض أطفالهن للإصابة بالسكر: «فيه أمهات بتروح لأطباء كتير ومحدش بيقدر يشخص الطفل عشان عمره صغير»، وخلال الفترة المقبلة ستتم زيارة 5 مدارس، وعمل تحليل سكر عشوائى للطلاب.
