سمية الألفي وفاروق الفيشاوي.. كواليس بين الخيانة والحب
سمية الألفي وفاروق الفيشاوي.. كواليس بين الخيانة والحب
- فاروق الفيشاوي
- عمرو الليثي
- سمية الألفي
- ليلى علوي
- الموظفون في الأرض
- فاروق الفيشاوي
- عمرو الليثي
- سمية الألفي
- ليلى علوي
- الموظفون في الأرض
أثارت الفنانة سمية الألفي، جدلًا واسعًا، على مدار الساعات الماضية، بعد ظهورها مع الإعلامي عمرو الليثي، عبر شبكة تليفزيون "النهار"، متحدثة عن علاقتها بطليقها الفنان الراحل فاروق الفيشاوي، كاشفة العديد من الكواليس والأسرار، عن حياتها وأسرتها.
خيانة جسدية
تقول "سمية"، إن الخيانة الجسدية، ليست خيانة بالمعنى المعروف، طالما لم تكن هناك خيانة في المشاعر والأحاسيس: "كنت بزعل أوقات من تصرفاته، وكنت بشك في نفسي، واسأل ليه يخوني مع غيري، لكن كان هو بيزعل لمجرد إني أشك في نفسي، عشان كده كنت بسامحه طول الوقت، لو كنت حسيت إنه بيخوني مش هسكت".
وأضافت: "عمري في يوم ما واجهته بسبب خيانته، ولو كنت شفته بيخوني، كنت هعمل نفسي مشوفتش"، متابعة: "سكت عشان أنا بحبه وبحب أولادي وأسرتي".
بحبك
وأضافت، أن "الفيشاوي" لم يعترف بحبه لها، سوى مرتين فقط طوال حياته، الأولى كانت عام 1973: "جابلي شيكولاتة ووردة ولبان، ودول الـ3 حاجات اللي بحبهم، وقالي وإحنا بنتمشى على الكورنيش (أنا بحبك) وبطل يقولها".
وتابعت باكية: "المرة التانية كلموني بعد آخر برنامج عمله في حياته في لبنان، والمعد كلمني، وقالي عايزينك تقولي كلمة للفنان فاروق الفيشاوي، وسجليها على الواتس آب وإحنا هناخدها، ولقيت نفسي بقوله بحبك، وهفضل أحبك لآخر يوم في عمري، ورد عليا وقالي وأنا كمان بحبك يا سمية، ودي كانت تاني مرة منذ سنة 1973".
ليلى علوي
وأشارت "سمية"، إلى أنها تعاونت مع الفنانة ليلى علوي، في فيلم "الموظفون في الأرض"، وكنت على علمٍ وقتها، بأنها على علاقة به، وقالت لي ذات في مرة في الكواليس: "بعد ما عرفتك كويس، وعرفت فاروق، حسيت أنك تستحقي تمثال في ميدان التحرير، فاروق ده صعب جدًا ومتعب وشقي.. أنت كنت مستحملاه إزاي؟".
