م الآخر| ولا يوم من أيام زمان
م الآخر| ولا يوم من أيام زمان
كنت لسة صغيرة وشعري ديل حصان
كنت بحلم إني أكبر وأرسم عالحيطان
حب.. خير.. أمل في بكرة.. واحة آمان
ماكنتش شايلة هم حاجة عشان حواليا بحر حنان
أصل بابا وماما هم اللي شالوا عني ياما زمان
كنت طايرة كان حلمي أكبر مهما كان
عايزة ألبس ضيق وكعب وأحط روج وكحل كمان
وأخد مصروف وفلوس كتير وأجيب برفان
أخرج مع صحابي خروج، إنما إيه جنان
أدخل الكلية وأخرج منها بعريس مليان
وأعيش في فيلا وأسوق عربية ودة كل حلمي بس كان
لكن دلوقتي بس نفسي أرجع ليوم من أيام زمان
