عيد بعد رفض إعطائه بـ"3 جنيه فول": حسيت بإهانة.. أنا غلبان بس ليا كرامة
عيد بعد رفض إعطائه بـ"3 جنيه فول": حسيت بإهانة.. أنا غلبان بس ليا كرامة
روى عيد إبراهيم الشهاوي 57 عاما موظف بقسم الجناين بمجلس مدينة دمياط ومقيم بقرية عزب النهضة، صاحب واقعة منعه من شراء "طبق فول" بقيمة 3 جنيهات، قائلاً لـ"الوطن": "توجهت لشراء فول بـ3 جنيهات من محل جديد بشارع نافع أثناء توجهي لعملي، كل يوم بشتري بـ3 جنيه للفطار من أي فوال ولم أتعرض للإهانة قط، لكن المرة دي حسيت أني اتهنت".
يشير "عم عيد" أنه لم أكن على علم بوضعهم لتسعيرة محددة: "فوجئت بالكاشير يقول لي: معاك كام قولت له 3 جنيه، فقال مفيش فول بـ3، فقولت يبني كل يوم بشتري بـ3 جنيه فول من أي محل بهذا المبلغ مفيش حد قال كده بفطر بيهم مع رغيف عيش بجبنة وأنا متوجه للعمل، فإذا بالكاشير يردد: صاحب المحل مشدد علينا لا نبيع بأقل من 5 جنيهات، فكررت عليه ده أنا ليا لوحدي ما تسبب لي في حالة من الإحراج الشديد".
وأضاف: "قلت له أنا هشوف صاحب المحل اللي نبه عليك وبحثت عنه لم أجده ومشيت زعلان ودمي محروق وأنا راجل كبير مريض ضغط وسكر، صحيح أنا عامل غلبان لكن ليا كرامتي ولا أقبل بالإهانة لذا توجهت لمباحث التموين ورويت لهم ماحدث ولم يعجبهم ماحدث لي وقالوا لي هذا المحل محرر ضده أكثر من محضر وشنت المباحث حملة ضده".
وتابع: "مش عايزين غير الرحمة بالناس هل صاحب المحل عالم بيا وبظروفي.. راتب اليوم الواحد 50 جنيه يوميا من السابعة صباحا حتى الثالثة عصرا أنا أب لـ3 بنات وولد زوجت اثنين ولسه بنتين".
وأكد أنه لا يعرف صاحب المحل من الأساس، "ما دفعني لتقديم البلاغ هو شعوري بالإهانة، وحاولت التحاور مع الكاشير لكنه رفض ولم يراضيني".
