السعدني يكشف عن عرض تلقاه في أمريكا: الساعة بـ5 جنيه والحسابة بتحسب

كتب: أحمد حامد دياب

السعدني يكشف عن عرض تلقاه في أمريكا: الساعة بـ5 جنيه والحسابة بتحسب

السعدني يكشف عن عرض تلقاه في أمريكا: الساعة بـ5 جنيه والحسابة بتحسب

كشف الفنان أحمد السعدني عن تلقيه عرضًا غريبًا في الولايات المتحدة الامريكية في أثناء مشاهدته لمباراة كرة قدم يشارك فيها محمد صلاح، وذلك خلال لقائه مع الفنان أمير كرارة في برنامج "سهرانين" المذاع عبر فضائية "ON E".

وقال السعدني: "أنا كنت بتفرج على ماتش ليفربول ومانشيتر سيتي ودخلت كافيه وكنت بنفعل مع صلاح في كل هجمة، ولقيت واحد جاي بيكلمني بالإنجليزي وبيقولي أنت مصري؟ قولت له هو باين علينا إننا مصريين، قالي باين من حماسك قولت له ممكن أكون إنجليزي، قالي شكلك مش إنجليزي".

وأوضح السعدني، أنه تلقى عرض عمل في الميديا: "قالي مش عايز تشتغل في الميديا وكدة، قولت له مش عايز إزاي، ده أنا الميديا وأنت متعرفنيش وأنا فاكرك تعرفني وأنا ممثل مصري".

وتابع: "قالي أنا بدور على شباب من العالم كله قولت له هيعملوا إيه، قالي حاجة زي ريالتي شو"، مستعينًا في وصف عقد العمل الذي عرض عليه بالجملة التي ذكرها الفنان عادل إمام في فيلم "عنتر شايل سيفه": "الساعة بـ5 جنيه والحسابة بتحسب".

وأشار السعدني، إلى أن الشخص الذي عرض عليه ذلك أصر على تسجيل رقم هاتفه المحمول "اديتهوله فعلا بس مرديتش عليه، احنا بعد محمد صلاح قالي عاوزين فرعون مصري، وقولت له سيبني أفكر، وقولت له أي كلام".

وتابع السعدني ساخرًا: "أنا اتصدمت مع إني افتكرته فيلم عالمي، وقولت حتى لو دور صغير يبقى أنا الجاي بعد رامي مالك، وهاخد الراية بعدهـ واتضح إن أنا مش هاخد الراية خالص".


مواضيع متعلقة